O GPP afirma que a actitude do Bipartito na Deputación mostra que priman os intereses do seu pacto e non os dos lucenses
. O PP calificou de incoherencia e contradicción o feito de que o Equipo de Goberno votase en contra da moción popular, relativa a Residencia de Sarria, cando os seus homólogos de Goberno neste Concello, votaron no pleno municipal, a favor
. Os populares mostráronse sorprendidos e indignados pola falta de seriedade no tratamento á moción onde se pedía a dimisión do Presidente e Vicepresidente da Deputación de Lugo polas incoherencias e irresponsabilidades dadas no tocante á publicidade emitida en varios xornais
. Criticou o GPP a deslealtade por parte da Deputación fronte ao Ministerio de Fomento con só seis meses de Goberno e pediulle ao Goberno Bipartito que deixe traballar a titular deste Departamento, Ana Pastor
Lugo, 26 de xuño de 2012.- Os intereses partidistas son o que priman na actual Deputación de Lugo. Así o afirmaron os populares logo da actitude mostrada polos socialistas e nacionalistas na sesión plenaria de hoxe.
Din os Populares que BNG e PSOE reforzan en cada sesión plenaria a idea de que os seus intereses non son os lucenses senón sacar tallada política de cada debate que abren.
O Grupo Provincial Popular mostrouse sorprendido e indignado pola falta de seriedade no tratamento á moción onde se pedía a dimisión do Presidente e Vicepresidente da Deputación de Lugo polas incoherencias e irresponsabilidades dadas no tocante á publicidade emitida en varios xornais. A aparición dun anuncio publicitario en tres xornais fai unhas semanas, que levaba como anunciante a Deputación de Lugo fixo que os populares pedisen a dimisión do Vicepresidente da Deputación, Antonio Veiga, por esta actuación e do Presidente do Ente Provincial por encubrir a barbariedade. A actitude mostrada por ámbolos dous foi tan pouco seria, ata o punto de que o Señor Besteiro, non escoitou a exposición de motivos da moción e abandonou o pleno mentras a Voceira dos Populares levaba a cabo a súa lectura. A pesar de que non pediron desculpas aos cidadáns, que non aceptaron proposta pero recoñeceran que fora un erro
Afirman os populares que non se explica que non se chegase a un acordo semellante ao que se acada noutras institucións con máis competencias no asunto de Novagaliciabanco. No que se refiere a este tema, o PP deixou moi claro que está a favor da reivindicación dos afectados das participacións preferentes; que está de acordo en que se cree unha comisión de investigación unha vez que se solucione a recapitalización de Novagaliciabanco e que está a favor de que se esixan aos dirixentes a indemnizacións millonarias. Os populares discreparon da idoneidade de que o banco público sexa a solución a tódolos males do sistema financieiro e lamentaron que o Goberno Bipartito da Deputación de Lugo non quixera retirar ese apartado da orde do día. Clarificou o PP que o seu partido continúa nesa liña de traballo e non quere confundir a cidadanía.
No tocante ao punto 7, sobre a proposta do Equipo de Goberno para instar ao Ministerio de Fomento e á Xunta de Galicia a cumprir os compromisos asumidos para mellorar a comunicación da provincia con Madrid por ferrocarril os populares non entenderon a deslealtade ao Departamento de Ana Pastor con só seis meses de goberno e esixiron un trato semellante a tódalas condescendencias que tiveron co anterior Ministro, José Blanco, a pesar de ser incumplidor en reiterados compromisos con infraestructuras. Dixeron os populares que o seu partido opta por traballar para lograr feitos e non se adica coma, os socialistas, a publicar a bombo e platillo datas e logo non levar a cabo os feitos, polo que pediron que se deixe traballar a actual Ministra, Ana Pastor.
O PP mostrouse sorprendido pola votación en contra por parte do Goberno da Deputación no tocante a moción popular relativa á colaboración do Organismo Provincial coa Residencia de Maiores de Sarria. “O Partido Socialista de Sarria votou a favor co goberno popular deste concello, e no pleno de hoxe votou en contra. Algo totalmente contradictorio”-manifestaron os populares, quen retomaron tamén as palabras do Señor Besteiro cando decía que un axuda económica por parte da Deputación para o mantemento desta infraestructura era un exemplo de boa xestión. “Outra contradicción máis e outra mostra por parte do Presidente da Deputación do seu afán de protagonismo, de pouca xestión, de pouco traballo e de promesas incumpridas”-afirmaron os populares.
No tocante a Proposta do Equipo de Goberno para instar a Xunta de Galicia a que teña en conta as alegacións presentadas ó acceso á variante por Magazos, o Grupo Popular, co máis absoluto respecto, posicionouse nesta Administración con respecto á variante de Magazos. Pediron os populares que sexan os técnicos os que determinen cal é o lugar idóneo, que revelen cal é o enlace que máis tráfico desconxestiona, cal é o que menos impacto ambiental cause e que económicamente e socialmente sexa o máis rendible para o Concello de Viveiro. O GPP retomou as verbas da Conselleria María Xosé Caride con respecto ao novo enlace na zona de Magazos.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
