O PP de Mondoñedo denuncia que un vehículo colisionou cun bloque de pedra situado na zona da Fonte Vella

O goberno do BNG e do PSOE dende fai cinco anos caracterizouse pola subida de impostos, pola creación de novas taxas e pola falta de actitude democrática, sendo en algunhas areas un réxime absolutamente propio de ditaduras.

As advertencias do PP sobre a perigosidade dos obstáculos colocados no entorno da Fonte Vella e do Seminario “desgraciadamente” xa se materializaron

 O PP denuncia que a pasada fin de semana un vehículo colisionou cun bloque de pedra situado na zona da Fonte Vella

 Ante as criticas vertidas polo Alcalde mindoniense, o PP local recórdalle que “quen ten responsabilidade de goberno, a pesar de perder as eleccións, é el”,

Mondoñedo, 22 de xuño de 2012- En resposta a declaracións vertidas nos medios polo rexedor local, Orlando González, o Partido Popular de Mondoñedo recórdalle que é un dos poucos rexedores locais que a PESAR DE PERDER AS ELECCIÓNS DECIDIU ASUMIR A RESPONSABILIDADE DE GOBERNO. Un posto, que segundo os populares, debe desempeñar e “se non sabe, non quere ou non ten proxecto que deixe gobernar aos que gañaron as eleccións”. Mentres iso non suceda e tendo en conta a actitude antidemocrática e ditatorial que impera no seu mandato, o PP, por moito que lle moleste, informará aos veciños sempre das inversións e proxectos que desempeña a administración autonómica, que como puido verse esta semana NON discrimina a Mondoñedo, como a el parece que lle gustaría.

Os populares pídendelle a Orlando González que deixe de LAMENTARSE, e que traballe por Mondoñedo que para iso é o Alcalde. “Que asuma as súas responsabilidades, que se algo é certo é que desde que el goberna, vivir no concello e moito máis caro e máis incómodo”, explican dende o Grupo Popular.

O PP recorda que Orlando González leva 5 anos no goberno, e chega ao poder, na primeira etapa cando o seu partido, o BNG, na Xunta, –en época de bonanza económica–, era o responsable das áreas de maior interese para Mondoñedo. Dende o Grupo Popular recordan que escasa repercusión tivo para Mondoñedo, esta circunstancia, dado que, o bipartito dende que está no goberno, o maior proxecto que trouxo para a localidade foi a obra do entorno do Seminario e da Catedral, lonxe de cumprir as promesas do seu programa electoral e desoíndo as peticións dos veciños. Ante isto, o Partido Popular lamenta que a ineficacia do goberno local de Mondoñedo e a súa actitude autoritaria estea a converter Mondoñedo nun lugar caótico e perigoso para a circulación e, polo tanto, nun lugar incómodo para visitar e vivir. As advertencias do Grupo Municipal do Partido Popular en relación á perigosidade que supón o resultado final das obras acaecidas no entorno da Fonte Vella e do Seminario, “desgraciadamente” xa se materializaron.

Durante a fin de semana tivo lugar o primeiro impacto contra un bloque de pedra, supostamente con funcionalidade decorativa e de descanso, situado na zona da Fonte Vella, que os populares cualificaban de innecesario e inseguro. As obras no entorno do Seminario e da Fonte Vella converteron o lugar nunha zona chea de obstáculos, con grandes bloques de pedra e árbores, que dificultan o tránsito pola localidade.

Ante esta situación froito dun goberno autoritario que desoe as demandas dos veciños, o Partido Popular da localidade pregúntase polo número de sinistros que terán que acontecer no municipio para que Orlando González tome en serio as peticións manifestadas, tanto polo veciños como polo PP, en relación á retirada dos diferentes tipos de obstáculos na rúa.

O Partido Popular lamenta que o bipartito ‘despilfarre’ o diñeiro dos veciños en zonas recentemente arranxadas, pero, sobre todo, os populares manifestan o seu malestar ante o feito de que as decisións de Orlando González repercutan negativamente no día a día dos veciños mindonienses.

Ademais de converterse nun lugar perigoso para o tráfico, O PP local lembra que as obras no entorno do seminario e da Fonte Vella levaron consigo a prohibición de estacionar nesta localización. Unha decisión tomada por Orlando González sen consensuar cos veciños nin ofrecer alternativas ao respecto. O PP recorda que tralo rexistro de alegacións polos veciños, o rexedor sen marxe a reacción xa colou as sinais que prohiben aparcar.

Polo tanto, o rexedor local e o seu equipo de goberno ata o momento pouco pode presumir dunha xestión, segundo os populares, marcada polo eludir de responsabilidades.