O PP local pídelle a Orlando González que rectifique e inclúa a Viloalle no programa de actividades con motivo do centenario da morte de Leiras Pulpeiro
Veciños de Viloalle trasladáronlle ao grupo municipal popular o seu malestar ante un programa de actividades que non acolle a celebración neste parroquia de ningunha das representacións teatrais que se levarán polo rural en conmemoración do centenario da morte do escritor mindoniense
O Grupo Popular apoia e defende a dinamización de actividades culturais no rural, pero cun trato equitativo no reparto dos actos entre as parroquias
O PP recorda que Viloalle é unha das parroquias do rural esquecida para o bipartito ao desbotar, entre outros feitos, o proxecto de saneamento da conca do Masma que deixara o goberno popular
O feito de que Viloalle non conte con local social non é motivo para a non inclusión da zona na programación de actividades, xa que agora tamén se pode emprender o esforzo que os grupos políticos manifestan en épocas electorais na procura de ubicacións onde celebrar as reunións na parroquia
Mondoñedo, 7 de xuño de 2012- O Partido Popular de Mondoñedo pídelle ao rexedor local, Orlando González, que rectifique e que inclúa a parroquia de Viloalle no programa de actividades que o Concello de Mondoñedo ten previsto levar a cabo polo rural da localidade con motivo do centenario do falecemento do escritor mindoniense Manuel Leiras Pulpeiro.
Desta maneira, o Grupo Popular quere transmitirlle ao rexedor local o malestar que a decisión xerou entre os veciños da parroquia de Viloalle, unha das zonas de Mondoñedo esquecidas na xestión do goberno do bipartito. O Grupo Popular municipal apoia, defende e fomenta a dinamización de actividades no rural, pero tamén pide un trato equitativo no reparto dos actos entre as parroquias. Así, os populares pídenlle coherencia ao goberno local e solicítanlle que rectifique no programa de actividades tras ter constancia do descontento xerado nos veciños de Viloalle, pola non inclusión da parroquia dentro das zonas nas que se levarán a cabo representacións teatrais.
O bipartito probablemente relacione esta decisión co feito de que Viloalle carece dun local social para a celebración de actividades, outras das grandes demandas dos veciños, porén os populares manifestan que, ao igual que os grupos políticos buscan alternativas de locais na parroquia para celebrar reunións durante as épocas electorais, este mesmo esforzo de procura de ubicacións tamén se debe demostrar á hora de organizar actividades culturais.
O populares recordan que Viloalle non é unha das parroquias prioritarias na xestión do goberno municipal, algo que se evidencia, entre outros casos, ante o feito de que o bipartito desbotou, sen explicacións, o proxecto de saneamento da conca do río Masma que deixara o goberno do Partido Popular, unhas das grandes demandas dos veciños da zona.
O Partido Popular crítico co problema de estacionamento que se vive en Mondoñedo e acrecentado coa xestión do bipartito, tamén manifesta o seu malestar pola falla de regulación de tráfico que se está a dar na localidade e que se acrecenta durante os días de mercado, principalmente na zona do seminario. Ante esta situación, o grupo municipal reiteralle de novo ao bipartito, a necesidade de levar a cabo medidas que faciliten a circulación na localidade e non convertan Mondoñedo nun lugar incómodo para os veciños e visitantes.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
