C.D. FOZ; VODAS DE OURO
Nada mais acceder á alcaldía (1958), Pepe Beltrán encargou ó concelleiro de Deportes, Damián Fdez. Naray, a formación de tres ou catro equipos de fútbol, pois desde había uns anos non se practicaba na vila o deporte-rei; organizar unha liguiña entre eles, coa encomenda de seleccionar ós mellores xogadores para nutrir as filas do que sería o equipo titular do pobo e tamén facer as xestións oportunas para conseguir da Fundación Martínez Otero a cesión dun terreo que levaba tempo a barbecho, no que se envorcaba o lixo. As mesmas deron froito e dende entón o campo está ó dispor do clube. A inauguración foi o 18 de xullo de 1960 e os estatutos aprobados un ano despois. Pepe Martínez, tesoreiro, home de gran valía, polifacético, diseñou o escudo do que aínda hoxe e o seu logotipo. Os fecegos/as identificáronse de contado co que significaba unha ilusión colectiva, e así naceo o C.D.Foz, que leva medio século escribindo a súa historia, con páxinas ledas unhas e magoentas outras, como non pode ser doutro xeito, pero historia ó fin. A maior proeza rexístrase o ano 1962 (son pois as “vodas de ouro”) ó gañar por 0-4 ó Arenteiro, no Carballiño, en partido da liga, decisivo para o ascenso a 3ª división. O Foz alineara así: Roca, Leitón II, Lestegás, Minguín, Telmo, Saros, Quique, García, Santiago, Canducho e Mageo. Ó seguinte día a “Hoja del Lunes”, da Coruña, proclamaba en titulares “El C.D. Foz asciende a 3ª división, con todo merecimiento; No se recuerda tanto público en el campo del Arenteiro”.
Era o 22 de xullo. Festa do Carme en San Martiño. Cando a orquestra anunciou o resultado do partido, produciuse un delirio colectivo e os coches particulares (media ducia?) e as motos saíron de estampía a recibir no camiño ós heroes autores da fazaña…
Comenzaba unha xeira na nova categoría que durou tres tempadas, afrontando graves problemas económicos pois ós gastos tan gravosos para unha economía tan débil, no caso de Foz engadíase, con respecto ós demais equipos participantes, o maior custo dos desprazamentos, pois éstes, excepto a Monforte, eran todos ás Rías Baixas.
Suso Fernández
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
