A Mariña, 15 de xuño, 2026. A CIG-Saúde considera que o peche de 36 camas durante os meses de xullo, agosto e setembro no Hospital da Mariña carece de calquera xustificación técnica e responde unicamente, ao seu xuízo, “a unha política de recortes do Partido Popular que busca o desmantelamento da sanidade pública na comarca”.
Desde a federación da CIG afirman que esta medida forma parte dun conxunto de actuacións coas que o PP estaría a deteriorar o sistema sanitario público “en beneficio do gran capital e da medicina privada das grandes cidades; unha ofensiva recentralizadora que afasta, en vez de achegar, a sanidade pública á cidadanía”.
A escusa da falta de profesionais de enfermaría
A dirección do hospital xustifica o peche pola falta de persoal de Enfermaría, unha situación que, segundo a central sindical, foi xerada pola propia xestión do centro e denunciada desde 2019. “O persoal de enfermaría marchou a territorios como Asturias ou Euskadi en busca de estabilidade laboral”, sinalan.
A CIG-Saúde leva anos reclamando contratacións dignas: contratos estábeis, carteleiras fixas, dereito a vacacións e protección laboral ante enfermidade ou accidente. Porén, aseguran que a dirección ignorou estas demandas e negou que a marcha de profesionais tivese causas laborais, atribuíndoa a motivos persoais. “Se non hai o persoal necesario, a única responsábel é a dirección polas súas políticas de contratación precarias”, afirman.
Consecuencias para pacientes e profesionais
O peche de camas, segundo a CIG-Saúde, terá un impacto directo nas persoas doentes, incrementando as derivacións ao HULA por falta de prazas en Burela. Isto suporá desprazamentos innecesarios e malestar entre pacientes e familias.
Ademais, alertan de que estas medidas aumentarán as listas de espera e favorecerán as derivacións á sanidade privada para cumprir os prazos da Lei de Garantías: 60 días para intervencións cirúrxicas e 45 para consultas ou probas diagnósticas.
Tamén haberá consecuencias para o persoal, que será desprazado a outras unidades. “Os calendarios laborais que tiñan asignados decaen, tirando pola borda toda a planificación persoal para xullo, agosto e setembro. Isto xera indignación e incrementa o desexo de abandonar o Hospital da Mariña”, denuncian.
No verán tamén se enferma
A CIG-Saúde lembra que a actividade asistencial non pode diminuír no verán, xa que a poboación da costa se duplica e os concellos do interior tamén reciben centos de visitantes. “As persoas tamén enfermamos no verán”, subliñan.
Conclúen que “pechar camas e reducir actividade non é boa xestión, senón unha medida de aforro económico que privará a mariñaos e mariñás dunha atención sanitaria de calidade durante o verán”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
