O salón de plenos do Concello acolleu a entrega de premios do concurso gastronómico Ribadeo de tapeo

O SALÓN DE PLENOS DO CONCELLO ACOLLEU A ENTREGA DE PREMIOS AOS GAÑADORES DO CONCURSO GASTRONÓMICO RIBADEO DE TAPEO.

Ribadeo, 14 de xuño de 2012. O alcalde de Ribadeo, Fernando Suárez, e a concelleira de Desenvolvemento Local e Turismo, Ana Martínez, entregaron esta tarde no salón de plenos do Concello os premios aos gañadores do concurso gastronómico Ribadeo de tapeo.

A tapa do restaurante A Dorada do Cantábrico, o rolo de tenreira con verduriñas e puré de pistachos en salsa agridoce, foi a elexida como a mellor polo xurado do Ribadeo de tapeo na sétima edición, celebrada o pasado mes de maio. O segundo premio foi para o libriño das letras galegas de La Solana e o terceiro para a Sala Kursal coa súa tapa da batea á lata. Casa Foguete recibiu unha mención especial do xurado polo seu bacallau ao noso estilo.

O premio do público foi para a tapa do AG Porcillán, cremoso de berenxena e queixo de cabra con crocante de xamón.

Tamén recibiron os seus premios esta tarde os gañadores dos sorteos celebrados arredor do Ribadeo de tapeo. Os larpeiros de ouro foron Rafa Ares Ugarte, Luis Echevarría García e José Luis Páez Rodríguez. Rafa Ares recibiu un masaxe relaxante con aromaterapia e cráneo sacral e unha cesta de produtos cosméticos do mar Muerto do centro Namor Terapias; Luis Echevarría foi agasallado cunha cesta de produtos de calidade de Tenda Guidán; e José Luis Páez cunha viaxe en avioneta, xentileza da Asociación Clube Aéreo de Ribadeo.

Os gañadores do sorteo Ruta Tapeo 20 foron Covadonga Linos Lara, que recibiu coma agasallo unha fin de semana nunha casa de turismo rural; Mónica Hermida Fernández levou un bono de 100 euros de Alandrina Tours; e Mª Luisa Goas Lourenzo obtivo un curso de surf de tres días para dúas persoas ou un bono de 100 euros para gastar en ¡Hola!Ola.

E os gañadores dos Soños Gastronómicos foron un veciño de Xixón e outro de Pola de Siero, que se alonxaron no hotel Bouza e no AG Porcillán, respectivamente.

Tanto Fernando Suárez como Ana Martínez agradeceron a participaron da hostalería ribadense nesta tradicional cita coa cociña en miniatura e animáronos a participar de novo o vindeiro ano.

Es posible que tu navegador no permita visualizar esta imagen.