CONCELLO E LEDICIA PROMOCIONARÁN ESTA FIN DE SEMANA EN MEDINA DEL CAMPO A FEIRA DO BONITO E PRODUART. MAÑÁ HABERÁ UNHA RECEPCIÓN NESE CONCELLO VALLISOLETANO.
Burela, 13 de xullo de 2012. Concello e Sociedade Cultural Ledicia promocionarán esta fin de semana en Medina del Campo a feira do bonito de Burela.
Mañá ás 11 horas o alcalde de Burela, José Mª González Barcia, asistirá no Ayuntamiento de Medina del Campo, á recepción oficial que presidirá a alcaldesa, Teresa López. En nome de Ledicia estará neste acto Jesús San José, ex directivo hai algún tempo deste colectivo que reside na zona.
Xa pola tarde na praza principal de Medina del Campo a partires das 20 horas terá lugar unha pequena feira do bonito. Segundo explica Rocío Rivera “alí imos asar bonito tanto o sábado pola tarde, coma o domingo pola mañá, para que os veciños de Medina del Campo o poidan degustar tal e como se preparará en Burela a primeira fin de semana de agosto”. Desde Burela desprazaránse 8 persoas para preparar o bonito que se servirá en Medina del Campo, ademáis do grupo de baile e música de Ledicia, que forman 30 persoas.
Rivera lembra que “todos os anos intentamos promocionar o bonito de Burela noutros puntos da xeografía galega e española. O ano pasado quedamos máis cerca de aquí e neste 2012 viaxamos ata Medina del Campo”.
O rexedor dixo que “a finalidade de que vaiamos a Medina del Campo é ensinar a feira do bonito e tamén Produart, e tentar captar turismo hacia Burela por un lado e por outro promocionar o bonito do noso porto. Son dous obxectivos que van unidos e perfectamente compatibles”. González Barcia considera que “esta promoción en Medina del Campo é unha actividade importante, pensamos que o Concello, a Fundación Expomar e a Sociedade Cultural Ledicia debemos ir collidos da man porque temos un obxectivo común que é a promoción da nosa vila e dos seus productos. Esperamos e confiamos en que o acto que alí imos desenvolver sexa un éxito, e que viaxen a Burela moitas persoas desde Medina del Campo. Que saiban que aquí os imos acoller cos brazos abertos”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
