ESTE SABADO 28 DE XULLO DISPUTARASE A III BAIXADA DE LONGSKATE NO FARO DE SAN CIPRIAN,ORGANIZA O CLUBE LIMOSA SURF COA COLABORACION DO CONCELLO CERVO, DA DIPUTACION DE LUGO, A TENDA DE SKATE XEMELGOS E A MARCA GALEGA STATIC CODE , A ASOCIACION DE COMERCIANTES DE SAN CIPRIAN,ADEMAIS DOS BARES: O PEDREGAL, A SOMBRIZA,PUB BRUNOS,PUB URBAN E RTE BUENA VISTA.
A BAIXADA EMPEZARA NA PENDENTE DO FARO :AS 16:30 DA TARDE COS ENTRENAMENTOS E A PARTIR DAS 17:30 COMENZARAN AS PRIMEIRAS CARREIRAS DA BAIXADA
E XA POLA NOITE NA PRAZA DOS CAMPOS A PARTIR DAS 22:00 HORAS HABERA EXIBICION DE FREE STYLE MAIS A ENTREGA DOS TROFEOS,PREMIOS E AGASALLOS COA MUSICA DE DJ.CAIXA,DJ. ICE E DJ.CHIWY .
OS PREMIOS SERAN: PARA O PRIMEIRO CLASIFICADO UN LONGSKATE E ROUPA PARA OS MELLORES,SORTEO E MAIS SORPRESAS…
——————–
Cervo presenta a III Baixada de Longskate que partirá do faro de San Ciprián
-Todas as persoas que desexen participar só teñen que achegarse o sábado a partir das 16:30 ao faro da vila
Cervo, 26 de xullo de 2012-A terceira Baixada de Longskate dende o faro de San Ciprián que organiza o Club Limosa Surf coa colaboración do Concello de Cervo xa ten data. Será este sábado, a partir das 17:30 horas, cando comezará a baixada. Unha hora antes, ás 16:30 horas, as persoas participantes iniciarán o adestramento.
O programa desta actividade presentouse hoxe, e ao acto acudiron a edil de Deportes, Yolanda Pedreira, a edil de Xuventude, Tania González, e dous membros do Club Limosa Surf, Fernando Fra e Carlos Rodríguez Pla. Unha cita que conta con varios eventos e localizacións. Pola tarde, na pendente do faro, desenvolverase un descenso duns 400 metros de distancia, que rematará na zona de Cubelas. Os tres participantes máis rápidos recibirán trofeos e premios. Unha baixada na que é moi importante a habilidade e a técnica sobre o skate, aínda que tamén son determinantes as freadas ou como collan as curvas os skaters.
As actividades continuarán pola noite, neste caso na praza dos Campos, onde se practicará longskate na modalidade de freestyle, é dicir, en estilo libre. Nesta competición un xurado valorará os trucos e as acrobacias dos participantes e elixirá os mellores, que tamén levarán premio. As demostracións e a entrega de premios estarán amenizadas pola música de Dj Caixa, Dj Ice e Dj Chiwy, que serán os encargados de seguir coa festa durante a noite. En todos os casos, tanto no descenso como no freestyle, é imprescindible utilizar equipamento de protección e seguridade.
Dende o Concello, a edil de Xuventude Tania González, anima “a participar a todas as persoas que practiquen longskate e que teñan habilidade nesta disciplina”. A edil explica que “a zona do faro reúne todas as condicións necesarias para facer un descenso destas características e a praza dos Campos é o escenario ideal para as demostracións acrobáticas”. Así, González agarda que o evento “teña unha boa acollida e que encha de ritmo e movemento a vila de San Ciprián”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
