O próximo xoves 26 de xullo celebraremos un pleno ordinario no concello de Burela.
Os plenos ordinarios teñen unha cadencia de dous meses. Esta disposición temporal foi imposta polo actual grupo do goberno do PP, na anterior lexislatura celebrábamos un pleno ao mes.
Pero o da cadencia sería un mal menor si os puntos a tratar fosen os adecuados para mellorar a situación social, cultural ou económica dos veciños. Tamén sería positivo que os puntos a tratar no pleno serviran para mellorar servizos ou infraestruturas do noso pobo.
A orde do día do pleno do 26 consta de 10 puntos que son todos de carácter administrativo, que hai que aprobar en pleno, pero ningún para debater compromisos que implicaran melloras como as expostas máis arriba.
O Grupo Municipal Socialista quere aportar compromiso político no apartado das mocións e neste punto presentaranse tres mocións que consideramos de grande importancia para Burela e en xeral para a comarca de A Mariña.
A primeira é a favor da defensa da actividade de Alcoa na Mariña. Nela solicitamos ó ministro de industria a aplicación dun prezo para a enerxía eléctrica que consume Alcoa que sexa motivo de garantía para a continuidade da actividade da factoría que Alcoa ten en S. Cibrao.
Tamén instamos á Xunta para que remate en prazo o gaseoducto proxectado para abastecer gas á planta de Alumina .
A segunda é a favor da ampliación do Hospital da costa e solicitamos que o Goberno Galego adopte as medidas precisas que permitan licitar, antes do remate do ano 2012, o Plan Director para a ampliación do Hospital e reclamar do Goberno Galego e dos grupos parlamentarios do Parlamento de Galicia a inclusión nos orzamentos para o ano 2013 dunha partida orzamentaria suficiente para o financiamento do conxunto das obras e actuacións contempladas no Plan Director.
A terceira moción é a favor da protección e promoción da imaxe da Praia das Catedrais como marca turística e desenvolvemento turístico da Mariña Luguesa e que se inclúa á Praia das Catedrais entre os lugares a visitar no paquete turístico de vacacións de Turgalicia
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
