OS SOCIALISTAS DE CERVO VOTAN EN CONTRA DOS ORZAMENTOS PORQUE NON REFLEXAN PARTIDAS DIRIXIDAS Ó FOMENTO DO EMPREGO E A ECONOMÍA LOCAL
-Non entenden “certos agravios comparativos entre asociacións á hora de repartir contías, gastar máis de 22.000 euros en propaganda ou que non se explique o destino de 106.300 euros que inclúen en gastos diversos”
-Presentarán nos vindeiros días as correspondentes enmendas a uns presupostos que consideran “cheos de intereses persoais e partidistas que priman sobre a situación real e as necesidades dos veciños”
CERVO, 20 DE XULLO. Os membros do Grupo Municipal Socialista de Cervo explican o seu voto en contra dos presupostos presentados polo equipo de goberno no último pleno xa que “son uns orzamentos baleiros de contido que non terán ningunha utilidade nin aplicación e nos que o señor Villares prima os seus intereses partidistas por riba da situación real e as necesidades dos veciños”.
Tan só con comezar pola partida de gastos, que ascende exactamente a 6.456.734,34 euros, xa nos damos conta da falta de iniciativas e deixadez que caracterizan a este goberno. “Case o 40% se destinará a gastos de persoal e se engadimos os gastos correntes, xa superamos o 60% da cantidade total. Con isto, tan só nos quedaría un 38,5% para políticas activas de inversión, fomento de emprego, promoción, prestacións sociais”.
Pero o certo é que non se cubrirá nin ese 38,5% para este tipo de medidas, porque debemos contar con certos gastos fixos, como son o servizo de augas, a xestión de residuos…, o resto quedará nun segundo plano, “en canto a políticas de fomento do emprego non se destinará nin un só euro a novos traballos, pois básicamente o 100% da partida está dirixida á contratación dun axente de emprego que xa traballa no concello”.
Villares e o seu equipo miran para outro lado en canto a estes asuntos e mentras “empregan 22.300 euros en publicidade e propaganda e 90.000 euros en gastos xurídicos contenciosos, que non son máis que neglixencias e erros do propio alcalde, que temos que asumir tódolos veciños”.
Aínda por riba, parece que para este goberno seguen existindo veciños de primeira e de segunda, as contas municipais amosan uns agravios comparativos excesivos entre asociacións do concello, “non se entende que algunha agrupación da que forman parte concelleiros ou a Asociación de Xubilados leven 2.500 euros, que se destinen 24.000 euros para entidades deportivas, e que a Asociación de Comerciantes de San Ciprián (ACIA) se teña que conformar con tan só 700 euros, cando son os encargados de activar a economía local e a actividade do municipio. Para o señor Villares prima máis quen dirixe cada entidade que non a finalidade real para a que se destinan os cartos”.
Ademais da falta de inversión e fomento do concello, dos gastos particulares de promoción e resolución das faltas do alcalde ou a diferenciación entre veciños, “non podemos consentir que tamen haxa partidas nas que non se especifique en qué se van gastar certos cartos, teñen a desvergonza de rotular un total de 106.300 euros baixo o título de gastos diversos e quedan tan contentos. Esiximos que se dé unha explicación porque máis de 100.000 euros poden dar para moito”.
Evidentemente con todos estes datos, “é imposible que poidamos votar a favor duns presupostos que non se ciñen á realidade, faltos de políticas que fomenten o emprego e que activen a economía local e cheos de intereses partidistas. Presentaremos nos vindeiros días as enmendas correspondentes para lograr uns orzamentos que teñan en conta a situación real e que reflexen medidas de mellora para o futuro”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
