Teatro, música e poesía enchen o programa das XII Veladas de teatro no Souto e V EXPRESS-arte en Cervo

XII VELADAS DE TEATRO NO SOUTO e V EXPRESS-arte en CERVO
.
Dende hai doce anos xa vén sendo costume que os amantes da escena da Mariña se citen na Praza do
Souto de Cervo ás 9,30 horas da noite os días 2, 3, 4, e 5 de Agosto para disfrutar con entrada gratuíta das Veladas de Teatro e en EXPRESS-arte que este ano cumpre a súa quinta edición.
Ámbolos dous eventos ,creados e organizados co esforzo dos membros do grupo de teatro O Bordelo, contan dende hai uns anos con escenario e aforo para o público totalmente protexidos das posibles inclemencias do tempograzas á colaboración do Concello de Cervo.
Cada noite, ás 21, 30 horas se abre Express-arte, a ventá da creatividade artística para ofrecer oportunidades aos que comezan ou honrar aos que xa o merecen e a continuación deste aperitivo érguese o telón para ofrecer pezasteatrais galegas e asturianas.
A programación de este ano será a seguinte:
Xoves, día 2 de agosto : 21,30 horas
* V EXPRESS-arte: AS VERBAS DO RAMO, por Teatro O Bordelo Espectáculo curto creado por por Francisco Piñeiro para o Ciclo : “Que non calen os eidos”baseado nas obras de Manuel Leiras Pulpeiro e de Noriega Varela,

* XII VELADAS DE TEATRO NO SOUTO
Teatro ARDORA de San Cibrao presenta ACERNOS, dirixida por María Paz Rodríguez Silva; escrita por Francisco Piñeiro. “Acernos”, , presenta unha reflexión cómica da tráxica realidade actual na que os pilares
máis básicos do sistema están a sufrir graves feridas na mesma cerna.
Venres, día 3 de agosto : 21:30h.
* V EXPRESS-arte : MÚSICOS DA TERRA: TOÑITO DE RÚA
A cordeonista cunha traxectoria musical memorable; esforzado mantedor da tradición e representante da escola creada por Eladio Maseda no Concello de Cervo .
* XII VELADAS DE TEATRO NO SOUTO
Teatro A ADALA de Fazouro presenta ATOADOS .
“ATOADOS” é unha comedia escrita e dirixida por Francisco Piñeiro alegórica á perda dos valores familiares máis tradicionais ,a falta do respecto ós bens públicos comunitarios en aras dun individualismo impropio do ser humano.
Sábado, día 4 de agosto : 21:30h.
* V EXPRESS- arte: ALMUDENA CUADRADO (Alfoz)
A voz en directo dunha moza cunha capacidade de superación extraordinaria que ofrecerá un concerto con varios ritmos da música moderna
*
XII VELADAS DE TEATRO NO SOUTO
Teatro CARBAYIN
(Siero ) Asturias presenta: “DISPARATE A LA ASTURIANA” orixinal de José Ramón Oliva , escritor prolífico, actor e director , creador de múltiples obras das que se nutren varios grupos teatrais do occidente astur.

Domingo, día 5 de agosto : 21:30h.
* V EXPRESS- arte:Recital poético-musical: JACOBO CASAL Poeta laureado de Espiñeirido cunha sensibilidade artística extraordinaria.
*
XII VELADAS DE TEATRO NO SOUTO
Teatro O BORDELO de Cervo presenta FUME DE CAROZO.
Fume de carozo , escrita e dirixida por Francisco Piñeiro convida a buscar unha saída á situación de crise actual na cal aterramos por levar un tren de vida demasiado acelerado

—————–

Teatro, música e poesía completan o programa das XII Veladas de teatro no Souto e Express+arte

-Desenvolveranse os días 2, 3, 4 e 5 de agosto a partir das 21:30 horas na praza do Souto

Cervo, 30 de xullo de 2012-O Concello de Cervo deu a coñecer esta tarde o programa da duodécima edición das Veladas de teatro no Souto e Express+arte que organiza o grupo de teatro O Bordelo coa colaboración do consistorio. Como vén sendo habitual, esta iniciativa artística e cultural desenvólvese durante varios seráns do mes de agosto, en concreto, dos días 2, 3, 4 e 5 a partir das 21:30 horas. Nesas xornadas numerosos grupos de teatro, así como cantantes, músicos ou poetas pasarán polo escenario situado na praza do Souto de Cervo.

As xornadas comezan con Express+arte, un escaparate que cada día ofrece un espectáculo diferente, dende teatro, música tradicional, moderna ou poesía. Ao remate empezarán as Veladas de teatro, nas que actuarán grupos locais, da Mariña e de Asturias.

As actividades arrincan este mesmo xoves, cunha breve peza teatral titulada “Verbas do ramo” interpretada polo grupo O Bordelo, co que conmemoran o centenario da morte do escritor Leiras Pulpeiro. A continuación, Ardora de San Ciprián presentará a obra “Acernos”, que tamén está vinculada ao poeta mindoniense, xa que inclúe algúns versos seus.

O programa continuará o venres coa actuación musical do acordeonista Toñito de Rúa e o grupo teatral A Adala de Fazouro. O sábado estará en Cervo a cantante de Alfoz Almudena Cuadrado e os asturianos Carbayin, cunha peza titulada “Disparate a la Asturiana”. O domingo será o último día das Veladas de Teatro e Express+arte, no que sairán a escena Jacobo Casal, de Espiñerido, que ofrecerá un recital poético-musical e O Bordelo de Cervo co seu “Fume de carozo”.

Para a edil de Cultura, Begoña Alonso, “estas citas artísticas y culturales en la praza do Souto tienen numerosos atractivos, desde el cartel, que siempre incluye actuaciones y espectáculos de interés, pasando por el escenario”. Para Alonso “es todo un lujo poder salir a la calle a disfrutar de la cultura al aire libre en las hermosas noches de verano”. E ao mesmo tempo, a edil destaca “el papel de promoción de grupos y artistas locales y de la Mariña, sin olvidar a los grupos asturianos, que gustan mucho al público cervense”.