Unha vintena de mozos de Alfoz estrea o Km0 Fin de Semana con xogos acuáticos nos tesóns da ría de Ribadeo
– Os rapaces, socios do colectivo Xuvenalfoz, gozaron dunha xornada na que está prevista a práctica de kite surf, unha modalidade deste deporte que incorpora cometas; paddle surf, que consiste en remar sobre táboas de surf; e bananas acuáticas, para flotar sobre a auga
– Preto de 600 persoas teñen xa reservadas rutas da nova etapa do programa medioambiental, co que a Deputación abre o abano de público participante e potencia os beneficios económicos que ten para as empresas da provincia
A nova andaina do programa medioambiental Km0 da Deputación de Lugo, o Km0 Fin de Semana, arrancou este sábado en Ribadeo con espectaculares xogos acuáticos na zona dos tesóns –bancos de area- existentes na ría da vila mariñana. Un grupo de 24 mozos alfocenses, socios do colectivo Xuvenalfoz, estrearon o proxecto cunha xornada na que está prevista para esta tarde a práctica de kite surf, unha modalidade deste deporte que incorpora cometas; paddle surf, que consiste en remar sobre táboas de surf; e bananas acuáticas, para flotar sobre a auga. A Vicepresidenta Segunda da Deputación, Lara Méndez, recibirá no peirao de Porcillán ós participantes e compartirá con eles parte da xornada, que, previamente ós xogos acuáticos, inclúe unha visita ás cetáreas de Rinlo e a Illa Pancha.
Trala primeira actividade de Km0 Fin de Semana hoxe no Concello ribadense, este mes haberá outras tres rutas: o día 14, 48 integrantes da Asociación Xuvenil de Castro de Rei de Lemos, de Paradela, viaxarán ó Vicedo; o día 21, 48 veciños de Guitiriz farán unha ruta en helicóptero; e o 28, un grupo de 24 lucenses gozará de actividades acuáticas en Ribadeo.
Boa acollida
A acollida que está recibindo o Km0 Fin de Semana está sendo moi boa, tendo en conta que, tan só unha semana despois de que a Deputación anunciase a súa posta en marcha, preto de 600 persoas tiñan reservada unha ruta, de xeito que están cubertas xa as prazas dispoñibles para todas as fins de semana deste mes de xullo, de setembro e de outubro (en agosto non hai programación).
A Deputación decidiu poñer en marcha o Km0 Fin de Semana tras constatar, grazas a un exhaustivo balance elaborado por persoal da Deputación, os beneficios económicos que xera -1,5 millóns de euros de volume de negocio dende a súa posta en marcha hai tres anos e medio- e pola demanda das propias empresas colaboradoras, que a día de hoxe son preto de 250 PEMES e autónomos, que dan emprego directo a unhas 1.400 persoas. O seu obxectivo é abrir o abano de público participante e potenciar os beneficios económicos que ten para as empresas da provincia. Para fomentala participación, o organismo provincial enviou información sobre a nova etapa de Km0 a 500 asociacións da provincia, sobre todo xuvenís e culturais.
Como inscribirse
Todos os interesados en participar en Km0 poden inscribirse de xeito rápido e sinxelo chamando ó número de teléfono 982-26-00-74/75; ou entrando en www.deputacionlugo.org onde, dende a portada, deberán acceder ó espazo Km0, cubrir o formulario e envialo á km0@deputacionlugo.org A continuación, poderán efectuar o pago, que será de 8 euros para grupos de menos de 24 persoas e individuais, e de 5 euros para grupos de máis de 24 persoas. Quedan excluídos da modalidade de pago todos os colexios e institutos públicos. A institución facilita dúas modalidades de pago: persoalmente no servizo de Tesourería (Pazo de San Marcos) ou nas sucursais de NovaGalicia (co número de conta 20800152663110001425).
A reserva e pago das rutas tamén pode facerse a través da plataforma de comercio electrónico www.losproductosdelugo.com da Deputación, onde o usuario ten que pinchar, á esquerda do portal, no apartado Ocio, onde atopará un link cos itinerarios. Optando por esta alternativa, os participantes teñen un desconto do 10% no custe das actividades.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
