Unhas 120 persoas participaron no torneo de fútbol praia do programa Noites Alternativas
-As actividades continúan o luns que vén cunha noite de orientación por San Ciprián
Cervo, 21 de xullo de 2012-Unha vintena de equipos de distintas categorías pasaron tres días xogando ao fútbol praia dentro do programa Noites Alternativas que pon en marcha o Concello. En total, preto de 120 persoas acudiron á praia do Torno dende o martes 17 ata o xoves 19 para practicar este deporte, coa peculiaridade engadida de que os partidos se desenvolveron en horario nocturno, ao igual que todas as actividades do programa. Entre os participantes rexistrouse un amplo abano de idades, polo que os partidos se distribuíron nas categorías sub 12, sub 15 , sub 17 e sénior.
Na última xornada deste torneo de fútbol praia, ao remate dos encontros, tivo lugar a entrega de medallas a todos os participantes. Un acto no que estivo presente o alcalde de Cervo, Alfonso Villares, a edil de Deportes, Yolanda Pedreira e a edil de Educación, Pilar Armada. Para a responsable de Deportes, “é toda unha satisfacción ver que actividades coma esta teñen boa acollida e conseguen uns niveis de participación elevados”. Segundo Pedreira, “este torneo de fútbol praia e outros como o de baloncesto ou fútbol sala, que terán lugar nas vindeiras semanas, pretenden ser máis participativos que competitivos, polo que o realmente importante neles é o seu carácter lúdico e de convivencia e, ao mesmo tempo, o fomento da práctica do deporte no tempo de lecer”.
Finalizado o torneo de fútbol praia, as actividades de Noites Alternativas continúan. A seguinte terá lugar o próximo luns día 23 a partir das 22:00 horas e consistirá nunha noite de orientación por San Ciprián, na que as persoas participantes terán que seguir unha serie de pistas dispostas pola vila. Para acudir é necesario inscribirse antes do comezo da actividade na praza dos Campos.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
