O goberno local lamenta que o PSOE se poña en evidencia diante dos veciños ao criticar uns orzamentos que non entende
Cervo, 21 de xullo de 2012-O goberno local respondeu hoxe ás críticas do grupo municipal socialista ao redor dos orzamentos deste ano. “As afirmacións do PSOE sobre as contas só demostran o seu absoluto descoñecemento en materia económica e financeira e a súa falta de dominio das cifras e dos conceptos” asegura a edil de Facenda, Tania González. Deste xeito, o PSOE cervense “ponse en evidencia e demostra que nin lle interesan os orzamentos nin ten intención de entendelos”.
A responsable de Facenda considera que “non hai nada máis ridículo que falar sen saber”, algo que para González “é unha práctica habitual dos socialistas, que critican unhas contas “que destinan 1,6 millóns de euros a investimentos en servizos sociais e educación, dous piares básicos da sociedade de benestar e polos que o executivo local segue apostando como liñas básicas de goberno”. Así, “se aprenden a botar contas, os socialistas descubrirán que os investimentos en servizos sociais e en educación representan o 25% do gasto total”.
Porén González pensa que quizais os socialistas se confundiron de orzamentos, e analizaron os da Deputación. “Nese caso temos que darlles a razón; as contas do goberno provincial están baleiras, e a vicepresidenta Lara Méndez non conseguiu nin un só euro en investimentos para Cervo, máis ben temos que agradecerlle que o orzamento teña unha partida de 20.000 euros destinada a pagar a primeira multa que unha Deputación lle impón a un Concello”.
En relación ás declaracións sobre as axudas ás asociacións, a edil asegura que “o Concello colabora con todas as entidades do municipio, tal e como saben as propias directivas das asociacións”. Para González, “son os socialistas os únicos que non se deron conta de que o partidismo á hora de conceder axudas rematou no ano 99, cando o PSOE saíu do goberno de Cervo”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
