AMIGOS DAS SETAS OS BOLOUROS
Ano 1978. Na peña O Lar nace o grupo impulsado por Constantino Mariño, Xefe de Extensión Agraria, experto micólogo, primeiro apoloxista dos fungos no contorno. Presidente/fundador, especialista no mundo das setas, recoñecido como tal; de aí a súa frecuente presencia en actos de Galicia e Portugal . En 1987 o colectivo organizou a IX Semana Galega de Micoloxía, que propiciou a presencia dun feixe de ilustres expertos. Antón Patiño, personalidade poliédrica de atractivo engado, de grande cultura; prestixioso libreiro de Vigo onde presidía “A Zarrota”, e “Os Lactouros,“ de Monforte, ambos colectivos micolóxicos; presidente da Federación Galega, en ocasións viaxou a Foz por mor dos cogomelos, unha das paixóns do polifacético personaxe. Extravertido, escritor, poeta, trobador, pintor, bohemio; dun físico ergueito e mesmo lanzal. Grandilocuente no discurso, elegante na presenza e nos modais. Dende os días de Os Bolouros non voltáramos a vernos, aínda que a nosa amizade, por razóns profesionais, era anterior. O reencontro fora na carballeira de Santa Isabel de Outeiro de Rei, no enterro do poeta Manuel María, en momento moi emotivo: o cadaleito ós pés da Santa – da que o poeta tíñase declarado “moi parcial”- mentres os seus amigos da banda de Sober tocaban “Negra Sombra”. Ó remate achégase a nós un home, que non recoñecemos, cangado polos anos, apoiado en caxato de artística empuñadura, que ante a nosa impasibilidade, dinos: “¿Ti non es o Suso de Foz?” – “ De momento, si”. -“Eu redactei os estatutos dos “Bolouros” – “¡Patiño!”, exclamamos. Por xuño de 2007 visitámolo en Vigo, pero saímos tristeiros do encontro: o home perdera a peculiar vitalidade, a sonoridade da verba, e a cor das meixelas. O 7 do mes seguinte os xornais daban a triste nova: finara Antón Patiño, unha personalidade única, non doada de esquecer. Había pouco publicara o seu libro “Memoria de ferro” sobre a xeración sacrificada pola represión da guerra do 36, deixando ver a súa esencia republicana e galeguista. Correos emitira un selo especial da Semana Micolóxica Galega de Foz á que el non fora alleo.
Suso Fernández
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
