MÁIS DE 80 INSCRITOS DE GALICIA, ASTURIAS E CASTELA-LEÓN NO I FÓRUM DE
INNOVACIÓN E FORMACIÓN SOBRE VEHÍCULOS QUE SE CELEBRARÁ EN RIBADEO DO 29
AO 31 DE AGOSTO. O EVENTO INCLÚE UNHA EXPOSICIÓN DE COCHES.
Ribadeo, 16 de agosto de 2012. Máis de 80 persoas están inscritas para participar en
Ribadeo no I Fórum de Innovación e Formación sobre Vehículos, que se desenvolverá do 29
ao 31 de agosto. O evento está organizado pola Asociación de Profesores de Automoción de
Galicia que preside o ribadense Álvaro Doural.
O presidente de A.P.A.G.A confirmou esta mañá que “estamos xa, máis ou menos, nos 80
inscritos, que é un número moi bó, tendo en conta as datas nas que se vai celebrar. Polo
espazo que temos para o desenvolvemento desta actividade aínda contamos coa
posibilidade de meter a 15 ou 20 persoas máis”. Ao I Fórum de Innovación e Formación
sobre Vehículos acudirán “xente do sector, moi pouca, e tamén alumnos, pero a maioría son
profesores da provincia de Lugo e tamén de Zamora, Salamanca, Asturias, etc”. O 26 de
agosto péchase a inscrición, que se pode realizar a través da páxina web www.apaga.es
Además das ponencias e obradoiros que haberá do 29 ao 31 de agosto, este I Fórum
acollerá tamén unha exposición de coches. Álvaro Doural explicou que “cando iniciamos o
diseño deste fórum decidimos incorporar unha nova experiencia, que é a visita dunha marca
de coches determinada, Peugeot, que vai traer Ribadeo toda a gama de vehículos novos que
ten e algúns de segunda man. A exposición empezará co fórum e seguirá aberta ata o
domingo 2 de setembro”.
Entre os asuntos que se abordarán no I Fórum de Innovación e Formación sobre Vehículos
figuran “o tema que está aí no día a día é o referido aos vehículos eléctricos, vehículos
híbridos, éste terá un peso importante, así como outro tipo de tecnoloxías e motorizacións
novas que se están a colocar en vehículos industriais. Haberá obradoiros para coñecer cómo
se diagnostica e como se mantén ese tipo de vehículo eléctrico. É moi interesante para toda
a xente participante e para aqueles que neste momento teñen híbridos, que acaban de
compralos, é interesante velos alí. Vai vir un técnico moi posto nese tema que é Fernando
Morales, un compañeiro noso de Pamplona, que estará dúas tardes explicando todo este
asunto”
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
