O Concello advirte á Deputación de que a ampliación do Museo do Mar corre perigo se non inicia a compra dos terreos de inmediato
-O alcalde asegura que é a última oportunidade da administración provincial ante as constantes peticións da propietaria dos terreos para que se completen os trámites que lle permitan para construír un edificio de cinco plantas na mesma parcela que se pretendía adquirir para agrandar o Museo
Cervo, 15 de agosto de 2012-O Concello de Cervo vén de remitir un escrito á Deputación Provincial advertíndolle da urxencia de iniciar a compra dos terreos para ampliar o Museo do Mar. A administración local explica que se non se avanza nos trámites de inmediato, o proxecto de ampliación desta infraestrutura corre o perigo de non poder executarse.
O motivo é un documento achegado ao Concello pola propietaria dos terreos, solicitando a aprobación definitiva do Estudo de detalle que faga posible a construción dun edificio de cinco plantas na mesma parcela na que se pretende ampliar a instalación museística. No mesmo escrito, a dona dos terreos acusa ao alcalde de Cervo de dilatar os trámites intencionadamente e ameázao con recorrer a accións legais.
Á vista dos acontecementos, o Concello transmítelle unha vez máis á Deputación a súa petición de avanzar nas xestións para adquirir a parcela situada ao carón do actual Museo do Mar, nesta ocasión con máis urxencia ca nunca “xa que se trata da última oportunidade da Deputación para facer posible o proxecto de ampliación do Museo do Mar, unha actuación moi anhelada pola sociedade cervense e mariñá pola súa relevancia cultural e patrimonial” asegura o rexedor, Alfonso Villares.
O mandatario cevense lembra que a ampliación do museo utilizando a parcela contigua “é a única forma de dispoñer dunhas instalacións máis grandes e con máis capacidade” xa que “a intención do goberno da Deputación de crear un anexo ao Museo do Mar de madeira e cristal nos terreos actuais estaba máis cerca de ser un caseto pegado a en edificio emblemático que unha ampliación en condicións”. Villares lembra que “esa opción, ademais de inadecuada, quedou totalmente desbotada por motivos técnicos, que impiden facer ningunha construción nin anexo na parcela actual”.
No escrito enviado recentemente á Deputación e aprobado en Xunta de Goberno Local, o Concello pídelle á administración provincial que dea unha resposta na maior brevidade posible e, en todo caso, antes do prazo dun mes, achegando información sobre a fase na que se atopan as negociacións coa propietaria da parcela anexa e en que fase está a ampliación do Museo.
A pretensión de ampliar o Museo do Mar é un desexo da sociedade cervense e mariñá que vén de anos atrás. Foi no 2005 cando o pleno da corporación cervense acordou por unanimidade solicitar á Deputación o inicio dos trámites para levar a cabo o proxecto. “Naqueles momentos os grupos do PSOE e do BNG na Deputación atopábanse na oposición e amosáronse moi interesados na ampliación, pero cando chegaron ao goberno provincial esquecéronse do seu compromiso con esta instalación e deixaron pasar os anos” engade Villares. En todo este tempo “dende o Concello estivemos pedindo información sobre o estado do proxecto e das negociacións coa propietaria e solicitando en numerosas ocasións que se deran pasos na ampliación” engade o rexedor.
Villares asegura que “se a Deputación non actúa de inmediato, Cervo, toda a Mariña e incluso Galicia terá perdido a oportunidade de contar cun Museo do Mar cunhas instalacións amplas e que podan acoller importantes mostras da nosa historia e tradición mariñeira e marítima” e incluso “teriamos desperdiciado a posibilidade de que este centro se converta nun referente cultural e histórico”.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
