O número tres da candidatura popular ao Parlamento de Galicia di que este é un bo exemplo de como o Goberno galego traballa “discretamente pero sen descanso” como aliado dos inversores que apostan pola Mariña
Balseiro: O apoio da Xunta permitiu garantir a actividade e o emprego no peirao de Mirasol e consolidar esta infraestrutura como un dos principais portos comercias hoxe e no futuro
Cando desde o anterior goberno bipartito daban por perdida a batalla o PP na Xunta soubo executar en tempo e forma os seus compromisos para seguir facendo de Mirasol unha dársena de interese loxístico para a carga e descarga de papel e outras mercadorías.
Balseiro di que só un goberno do PP pode ofrecer garantía de solvencia e alerta ante experimentos como o bipartito ou gobernos de tres ou catro forzas que “inestables, malos xestores e ineficaces” fan fuxir proxectos empresariais.
Ribadeo, 24 de setembro de 2012.- José Manuel Balseiro Orol, deputado autonómico e actual número tres da candidatura do PP ao Parlamento de Galicia lembrou hoxe que cando desde o anterior goberno bipartito daban por perdida a batalla para que Ence continuara facendo uso do peirao comercial de Mirasol, o apoio dos actuáis responsables da Xunta de Galicia e do Partido Popular foi decisivo para blindar e garantir a actividade e o emprego nestas instalacións portuarias e para consolidalas como un dos principais portos comercias “tanto hoxe coma no futuro”.
Tal e como explicou Balseiro as obras executadas en Mirasol permitiron duplicar a capacidade deste porto e fixeron que a principal empresa usuaria do mesmo -a papeleira Ence- continuara operando neste peirao ao converterse nunha dársena de interese loxístico preferente para a carga e descarga de papel e outras mercadorías.
Balseiro lembra que foi decisión do actual goberno galego, liderado por Alberto Núñez Feijóo, investir 2,2 millóns de euros para acometer estas obras. Melloras que consistiron por una banda, no ensanchamento do peirao do extremo norte de Mirasol e, doutra banda, na dragaxe da canle de acceso ao peirao comercial. Ambas actuacións foron executadas “en tempo e forma, cumprindo os prazos e os compromisos asinados” e serviron para acadar un avance substancial no uso deste porto.
Na actual lexislatura ademais das obras descritas acometéronse outras actuacións no peirao de Mirasol como foron a mellora da seguridade viaria e ampliación de atraques, a remodelación e acondicionamento do edificio de servizos, o aumento da cota de coroación do peirao comercial, o acondicionamento do borde portuario e a remodelación do vial no peirao comercial. En total todas estas obras supuxeron un investimento de 8.376.113,76 euros.
SOLVENCIA FRONTE A INCERTEZA
En clave política o dirixente popular dixo que o acontecido en Mirasol é un bo exemplo de como o actual Goberno galego traballa “discretamente pero sen descanso, como aliado de todos aqueles inversores que aposten pola Mariña e por Galicia para levar a cabo proxectos empresariais que movan a economía, que melloren a competitividade e que xeren postos de traballo”.
Balseiro alertou que esta “garantía de solvencia” só pode ofrecela o Partido Popular e que, pola contra, “outros malos experimentos” como o anterior goberno bipartito -formado por socialistas e nacionalistas- ou fórmulas “ainda máis disparatadas” como un goberno autonómico formado por tres ou catro forzas políticas, implicaría un risco evidente de “inestabilidade, confusión e falta de operatividade” que seria nefasto nos tempos que corren e faría fuxir proxectos como o de Ence capaces de xerar riqueza e emprego.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
