A Asociación de veciños do burgo de Trasbar comezou no mes de setembro un novo curso, cheo de actividades.
Colaboraron coa Comisión de festas na elaboración da alfombra floral, que contiña motivos como a Santa Eufemia; o San Antonio; un rosetón; as uvas o pan e o Cáliz e o logo da asociación. Xuntamos fotos.
Así mesmo, esta fin de semana abrimos de novo o Local Social para todos os veciños que se queiran achegar a parolar, xogar ás cartas, ao parchís… Cambiamos o look do local cun pintado das paredes e coa colocación dunha serie de láminas fotográficas cedidas pola Asociación A Sombriza.
A actividade resumida foi a seguinte:
Fin de semana 15 e 16: Festas de Trasbar. Elaboración da alfombra o sábado
Sábado 22: reapertura do local (novo look)
Domingo 23: Pola mañá, subida ao monte Cabaleiro (Trasbar) e pola tarde, entrega do premio de 500 € ao gañador das rifas vendidas para colaborar coa Comisión de Festas e subida (foto noutro correo)
Actividade próxima:
Mércores 26: excursión á Ribeira Sacra. KM 0
Sábado 29: teatro. Programa Buxiganga.
Domingo 30: Reunión para organización dos campionatos de tute e parchís. Ás 11.30 h no Local Social
Xuntamos resumo.
A Asociación de veciños do burgo de Trasbar co fin de colaborar coa Comisión de Festas na organización das festas da Santa Eufemia, que tiveron lugar os días 15 e 16 de setembro en Trasbar, venderon unhas rifas para o sorteo de 500 euros. A papeleta premiada foi a 0026.
Este domingo, 23 de setembro, ás 10.30 h saímos do Local Social de Trasbar preto de 20 persoas para subir ao Monte Cabaleiro. Puido máis a nosa ilusión que a previsión meteorolóxica e, aínda que no pico ventaba moito, tivemos unha xornada moi agradable e divertida!
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
