Cervo abordará en pleno a actualización de ordenanzas en base ao IPC interanual
-O goberno explica que esta adaptación é “responsable” e permite “blindar a prestación de moitos servizos”
Cervo, 29 de outubro de 2012-O pleno da corporación debaterá mañá martes a actualización de ordenanzas fiscais segundo o IPC interanual, que se situou no 3,4%. O goberno local explicou que se trata de “adaptar as taxas á subida do custo da vida”, asegura a edil de Facenda, Tania González, e que se toma como indicador de referencia o fixado polo Instituto Nacional de Estatística. Esta actualización está establecida nas propias ordenanzas, que contemplan que se revisen os prezos segundo o IPC e se apliquen as variacións correspondentes.
A concelleira engade que esta medida “terá unha escasa repercusión” nos prezos que terá que asumir a cidadanía e “segue o principio de responsabilidade que mantemos en todas as decisións relacionadas coa redución do déficit e da xestión económica”. Unha actualización “que nos permitirá manter a prestación dos servizos coa mesma calidade, que é unha das nosas prioridades como goberno”, declara González.
A delegada de Facenda manifestou tamén o seu desacordo coas valoracións desta actualización realizadas polo grupo municipal socialista. “Son os únicos que non entenden como funciona o sistema, pero dende o goberno local non temos ningún problema en aclarárllelo” explica González. “O IPC sube, e sube para todos. Polo tanto, cando os nosos provedores actualizan os prezos en base ao IPC, e neste caso toca subir, o Concello tamén ten que actualizar as ordenanzas fiscais para poder asumir o custo deses servizos” asegura a edil. “É de primeiro de finanzas” engade a responsable da Facenda local, que entende que os socialistas “só buscan polemizar con asuntos que só responden a unha xestión responsable”.
Polo tanto, “demostran unha vez máis que o seu é falar por falar, e saír nos medios a criticar incluso antes de ter debatido no pleno” explica Tania González. “Ben seguro que preferirían que deixásemos de prestar certos servizos e ter algún motivo para minar ao goberno municipal”.
Ademais, González recoméndalle aos socialistas que “non sexan tan localistas e abran a súa mente”, así verán que “as actualizacións dos prezos en base ao IPC estanse levando a cabo en numerosos concellos da Mariña e de todas as cores políticas”. Ao mesmo tempo a edil convida aos socialistas a “non inventar problemas e a poñer máis empeño nos seus conflitos internos despois da desfeita electoral que sufriron”.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
