OS PROPIETARIOS DAS FINCAS DA UNIDADE DE TORRENTES RECIBIRON ESTA TARDE NO CONCELLO TODA A DOCUMENTACIÓN QUE OS ACREDITA COMA TAL.
Burela, 29 de outubro de 2012. Esta tarde tivo lugar a entrega das escrituras da unidade de Torrentes, tal e como xa anunciara hai semanas o alcalde, José Mª González Barcia. O rexedor subliñou que os propietarios das fincas non teñen máis trámites adicionais que facer ao contar con esta documentación.
González Barcia dixo que “o total de fincas resultantes en Torrentes é de 168. Os propietarios asistiron practicamente todos, menos aqueles que xa nos tiñan dito que por distintos problemas non podían asistir, en concreto seis. A outros deles, que é xente que vive fóra, estamos intentado localizalos vía correo porque por teléfono os datos que temos non se corresponden cos que deben ter agora. Pero en definitiva a inmensa maioría dos propietarios recolleu a documentación que contempla absolutamente todo o que deben ter correspondente á súa finca para poder facer despois o que estimen oportuno para a venta, etc”.
O alcalde sinalou que “os propietarios non teñen ningún trámite adicional que facer con esta documentación. O único que falta por facer, e que o está facendo o Concello, é elevar ao Catastro a relación de fincas e de propietarios para que, tendo en conta o número de rexistro catastral que xa teñen na documentación que se lles entregou, poida incorporarse ao censo do Catastro o novo propietario e a finca coa superficie resultante e o sitio exacto onde está”.
Este trámite se está facendo desde o propio Concello “e non vai ser unha cousa inmediata, vainos levar unha temporadiña, pero os propietarios xa non teñen nada que facer ao respecto e a partires de agora poden dispoñer das súas propiedades como estimen conveniente porque a documentación que teñen está completa”, manifestou José Mª González Barcia.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
