PISANDO FORTE
As grandes promesas do futuro laranxa entraron pisando forte. Os cadros xuvenís abriron a tempada demostrando que poden dar moito que falar en 2012-13, con vitorias do derbi mariñán fronte ao Cidade de Viveiro (5-2), na Liga Nacional, e sobre o Sarria Peña Españolista (6-0), na Autonómica.
Ambas as dúas escuadras deixaron ver a súa clara superioridade ante os rivais, a pesar da falta de rodaxe. “A mellor lectura que se pode extraer é a do resultado” dixo o técnico de Nacional, Iván Cao ‘Lucas’, destacando “a boa aptitude dos xogadores, aínda que queda por diante moita marxe de mellora”. Pola súa banda, Cristian Fustes definiu o debut xuvenil en Autonómica como “un encontro cómodo, ante un rival sen apenas adestramentos, no que xeramos moitas ocasións”. “Esta vitoria dálles ánimo aos rapaces para seguir traballando e ir facéndose coa categoría pouco a pouco”, puntualizou o adestrador.
Os máis pequenos tamén se estrearon cun excelente balance, na visita ao Azkar Lugo, con triunfos alevín (2-6) e cadete (3-5) e unha rifadísima loita para os infantís (5-2).
Liga Nacional Xuvenil
Burela FS 5-2 Cidade de Viveiro FS
Liga Autonómica Xuvenil
Burela FS 6-0 Sarria Peña Españolista
Amigables
Azkar Lugo FS Alevín 2-6 ED EON Burela FS Alevín
Azkar Lugo FS Infantil 5-2 ED EON Burela FS Infantil
Azkar Lugo FS Cadete 3-5 Burela FS Cadete
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
