A DÉCIMA EDICIÓN DO MERCADO DE NADAL DE RIBADEO, QUE SE CELEBRARÁ DO 5 AO 9 DE DECEMBRO, CAMBIA DE UBICACIÓN E SITUARÁSE NAS RÚAS PEONÍS E CÉNTRICAS DA VILA.
Ribadeo, 1 de novembro de 2012. A décima edición do Mercado de Nadal de Ribadeo celebraráse do 5 ao 9 de decembro. A novidade deste 2012 é que os expositores estarán ubicados nas rúas peonís e céntricas da vila, en lugar de na tradicional carpa do parque de San Francisco, segundo anunciaba esta mañá o alcalde, Fernando Suárez Barcia.
O rexedor sinalou que “desde a Área de Desenvolvemento Local que leva a miña compañeira Ana Martínez, xunto co apoio importante da Área de Turismo da Deputación de Lugo, imos celebrar dentro duns días do 5 ao 9 de decembro o Mercado de Nadal de Ribadeo, que neste 2012 entra na súa décima edición”.
Suárez Barcia indicou que “é un mercado moi atractivo desde o punto de vista do turismo e da afluencia de xente a Ribadeo porque se fai nunhas datas aproveitando unha ponte, onde non só ven a xente de Ribadeo e da comarca do Occidente asturiano e da Mariña lucense senón que tamén recibimos a moita xente de fora que aproveita estas vacacións para desprazarse á nosa vila. E como outros anos queremos manter a organización, a cita está adicada a artesáns tanto de manufacturas como de alimentación e de elaboración propia. Teñen que estar debidamente dados de alta no réxime de autónomos ou da correspondente actividade e isto mantémolo coma sempre”.
O alcalde subliñou que “coma novidade este ano, e foi algo que valoramos e estudiamos e pedímoslle opinión á Asociación de Comerciantes de Ribadeo, queremos que os stands mais que estar nunha carpa aquí no parque de San Francisco estarán en casetas independentes ubicadas e distribuidas en rúas peonís e céntricas de Ribadeo. Queremos involucrar este Mercado de Nadal co comercio local, coa área das rúas comerciais e queremos que a xente se misture con todas estas novidades e que acudan aos bares e aos outros comercios que hai en Ribadeo ao longo de todo o ano”.
Fernando Suárez dixo que “este é o momento de convidar a aqueles artesáns que queiran vir expoñer os seus produtos, traballos e manufacturas. Teñen de prazo ata o día 5 de novembro ás 14 horas. Terán que pedilo aquí no Concello de Ribadeo, cubrir uns impresos e aportar determinada documentación, así como pagar 100 euros coma taxa para axudarnos a costear o Mercado de Nadal, porque a inversión pública non chega para cubrir o importe global do evento”.
O alcalde ribadense engadiu que “o Mercado de Nadal é unha iniciativa que facemos desde o Concello de Ribadeo para dinamizar o comercio, o turismo e para que a xente que veña durante esa longa ponte teña un reclamo mais para esta vila moi importante e con moitos sectores moi potentes. Quizás o do comercio sexa o mais potente e teremos que facer mais actividades para seguir atraendo á xente”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
