ACISA TILDA DE MOI POSITIVA A PARTICIPACIÓN DE RIBADEO EN INTUR. A ASOCIACIÓN SORTEOU 200 EUROS EN VALES DE COMPRA PARA GASTAR NA VILA E 3 HOTEIS REGALARON ESTANCIAS DUNA NOITE NOS SEUS ESTABLECEMENTOS.
Ribadeo, 26 de novembro de 2012. ACISA tilda de moi positiva a participación de Ribadeo en Intur, a feira internacional de turismo interior, que se celebrou en Valladolid do 22 ao 25 de novembro.
Rivas Tomé subliñou que o paso de Ribadeo por Intur “foi unha experiencia moi positiva porque por Intur pasaron miles de persoas procedentes de toda Castela-León e doutros puntos da xeografía española. Houbo momentos en que moita xente se achegou ao stand de Ribadeo e se interesaba por todo o que ofrecemos nesta zona: rutas, hoteis, gastronomía, praias”.
Para o presidente de ACISA “é importante acudir a este tipo de feiras nas que podes chegar a unhas corenta ou cincuenta mil persoas. Eso é un grande éxito”. Roberto Rivas non descarta que Ribadeo poida estar presente noutros eventos similares, aínda que recoñece que “a inversión que hai que destinar a estes fins é importante”.
ACISA sorteou en Intur 200 euros en vales de compra para gastar en Ribadeo. E tres hoteis regalaron unha estancia dunha noite, cada un, nos seus establecementos.
Segundo os datos da organización en Intur desenvolvéronse 17.400 xuntanzas de traballo no mercado da comercialización turística. Houbo 290 expositores e foron unhas 44.000 persoas as que visitaron a feira.
Festa das lámparas
A vindeira fin de semana Ribadeo acollerá a festa das lámparas ou lapas. Roberto Rivas dixo que “durante tres días a hostalería ribandese repartirá tapas elaboradas con lapas”. A cita gastronómica está organizada por ACISA en colaboración coa confraría de pescadores, “que nos proporciona o material para promocionar un pouco un produto que non está moi valorado neste momento nesta zona e sí noutras. Tentamos así dar a coñecer un pouco máis as lapas”. ACISA agradece a colaboración tamén da Consellería do Medio Rural e do Mar e do Grupo de Acción Costeira A Mariña-Ortegal.
Na festa das lámparas participan preto de 40 bares, mesóns e restaurantes: Parador de Turismo, O Cabazo, Oviedo Bar II (Rolle), O Bodegón, La Balastrera, A Dorada do Cantábrico, La Solana, A Ribeira, Pizzbur, O Forno, La Cervecería, Queimada, O Lar de Manolo, Delicias, La Bugalla, A Baixada, O Tumbín, O Alén, Nevada, Ribanova, Costa Verde, La Villa, Compostela, O Valeco, Voar, San Miguel, A Cofradía (en Rinlo), Bouza, La Sota, La Botellería, A Quinta, hotel Rolle, Sapore, El Rincón del Gordo e Mediante.
A festas das lámparas ou lapas desenvolveráse o vindeiro venres, 30 de novembro, e o sábado e o domingo, 1 e 2 de decembro.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
