A NOVENA EDICIÓN DO TALLER DE MEMORIA, QUE EMPEZA O VINDEIRO MARTES, TERÁ 46 PARTICIPANTES. A NOVIDADE DESTE CURSO SERÁ UN CLUB DE LECTURA.
Lourenzá, 1 de novembro de 2012. Os participantes na próxima edición do taller de memoria do Concello de Lourenzá mantiveron unha xuntanza para ultimar os preparativos da actividade, reunión na que estivo a alcaldesa, Emma Álvarez, quen explicou que xa é a novena edición desta iniciativa que nesta ocasión conta con 46 alumnos, que “van participar deste taller desde este mes de novembro ata xuño. Están repartidos en tres grupos que se fan tendo en conta as idades dos participantes. Impartirase os martes e os mércores a partir do vindeiro día 6 deste mes de novembro”.
Emma Álvarez anunciou tamén que “paralelamente a esta actividade haberá outras que teñen como finalidade achegar ás distintas persoas que forman parte deste taller de memoria e facelos partícipes de actividades como o Nadal, o Antroido ou incluso unha festa de fin de curso onde se mostrarán todas aquelas actividades que vaian facendo”.
Na edición pasada, como novidade, houbo unha obra de teatro que estiveron ensaiando durante todo o curso e representárona para os alumnos en xuño e agora farana aberta a todo o público en xeral o vindeiro día 1 de decembro no salón de actos do Concello.
A rexedora municipal anunciou que “a novidade deste ano é a posta en marcha dun club de lectura con todas aquelas persoas que forman parte do taller de memoria e incluso para aquelas outras que se queiran anotar. Para todos aqueles aos que lles gusta a lectura é unha maneira de poñer en común o que leron durante varios días para sacar opinións e comentalo”.
Ademais os alumnos do taller de memoria participarán en distintas charlas que se farán ao longo do ano e “tamén trataremos de organizar algunha excursión, como se fixo outros anos, aínda que neste caso teñamos que pedir a colaboración dos alumnos asistentes para sufragar os custos da viaxe”.
O taller de memoria será impartido pola educadora social Dolores Villasuso e do club de lectura encargarse a bibliotecaria María José García.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
