COS VOTOS DO PP FORON ESTIMADAS MÁIS DO 80% DAS ALEGACIÓNS PLANTEXADAS AO PXOM. GONZÁLEZ BARCIA AMOSÓUSE SORPRENDIDO POLO VOTO EN CONTRA DO PSOE. O REXEDOR ALUDIU Á POBREZA DE ARGUMENTOS EMPREGADA POLOS SOCIALISTAS PARA XUSTIFICAR ESTA POSTURA E ACÚSAOS DE INCOHERENCIA E DE FALLA DE RESPECTO CARA OS CIDADÁNS QUE PRESENTARON DITAS ALEGACIÓNS.
Burela, 30 de novembro de 2012. No pleno celebrado onte no Concello de Burela foron estimadas máis do 80% das alegacións plantexadas ao PXOM. En total presentaráronse 369 das que se estimaron 300 total ou parcialmente. O equipo de goberno tentou así conxugar os intereses xerais cos lexítimos dos particulares “que teñen pleno dereito a defender aquelo que é da súa propiedade ou que lles interesa”. Na sesión tamén quedou así aprobada unha nova proposta de catálogo para elevarlle a Patrimonio “co obxectivo de que levante a protección, a catalogación que tiña feita sobre determinadas edificacións de Burela”, segundo explicou o alcalde, José Mª González Barcia.
O rexedor lembrou que “o informe remitido por Patrimonio ao Concello de Burela ten data de marzo de 2009. A conclusión é que o bipartito nin antes desa data se dignou a falar con Patrimonio para ver qué é o que estaban a facer con respecto ao PXOM de Burela, nin tampouco despois falou con Patrimonio para ver a posibilidade de facer algún tipo de corrección. Eso non nos parece serio”. E subliñou que “o que se busca con ovo catálogo é rebaixar os efectos do remitido ao Concello hai mais de tres anos. Hai ámbitos que hai que preservar, pero o proposto inicialmente non nos parece o máis xusto.
A González Barcia tampouco lle parece seria “a enorme pobreza de argumentos que onte tivo a oposición, especialmente o PSOE. Non se pode vir a un pleno onde se estiman ou desestiman alegacións a un plan xeral dicindo que eles non tiveron participación á hora de elaborar o PXOM. A semana pasada houbo unha reunión da comisión de seguimento do plan xeral, se preguntou si había algunha aportación que facer e a resposta foi negativa. E na comisión informativa celebrada o pasado luns tampouco fixeron aportacións”. O alcalde e seu equipo entenden que “esto é unha demostración de incoherencia e falla de respecto cara os cidadáns e unha auténtica deixación de asunción de responsabilidades, porque este PXOM, a súa maternidade, en boa medida nace no bipartito. Este documento comeza a xestarse no bipartito, pero da a impresión de que para estes señores esa época non existiu e que só esto é competencia do PP. Nós temos que asumir as nosas responsabilidades porque nos tocan agora e as asumimos conscientemente, non facemos coma fan eles”.
Para José Mª González Barcia o máis sorprendente é que o PSOE votou en contra de estimar as alegacións, “o PSOE non quere que se estime o 81% das alegacións presentadas ao PXOM, entón o PSOE está a perxudicar a 300 propietarios. O PSOE está en contra do catálogo que propón o equipo de goberno, co cal de forma indirecta está a favor de que Patrimonio siga catalogando aquelas edificacións incluidas no informe enviado ao Concello en marzo de 2009. E esto é doblemente corroborado pola ausencia de ningún tipo de contacto nin antes nin despois desa data por parte do bipartito para ver de solucionar este problema”.
O alcalde de Burela indicou que “ao votar en contra da estimación destas alegacións o PSOE ponse radicalmente en contra da ampliación do Hospital da Costa, porque dentro desas alegacións aparece unha referida a un escrito remitido polo SERGAS onde pide expresamente que na zona reservada para a amplicación do centro hospitalario se poidan garantir ata un máximo de catro alturas”. E engadiu que “ao votar en contra da estimación de ditas alegacións o PSOE ponse en contra de que o Concello reserve suelo dotacional para novos servizos públicos. Hai agora mesmo suelo dotacional reservado para unha gardería e o PSOE votando en contra no pleno de onte está a decir que non a máis suelo dotacional. E eso será algo que lle deberán explicar aos directores dos dous institutos de Burela, que están bastante preocupados coa falta de espazo que teñen nos seus centros e que xa lle plantexaron ao equipo de goberno un estudio sobre unha posible ampliación dun ou doutro centro”.
“Coa súa actitude o Partido Socialista se está a posicionar radicalmente en contra dos intereses xerais do Concello de Burela e deses 300 propietarios, que grazas ao traballo feito polo PP van ver estimadas total ou parcialmente as alegacións que presentaron ao PXOM”, manifestou o alcalde.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
