O alcalde de Cervo reúnese co novo responsable de Acuidoro tras a súa adquisición por parte de Stolt Sea Farm
-Villares recibiu con satisfacción os obxectivos de continuidade e crecemento fixados polos novos propietarios
Cervo, 1 de novembro de 2012-O alcalde de Cervo, Alfonso Villares, visitou as plantas de cría e engorde de rodaballo Alrogal e Acuidoro, situadas no polígono de Cuíña, e que recentemente foron adquiridas pola multinacional Stolt Sea Farm. O rexedor quixo achegarse ata as instalacións para reunirse co novo director xeral, Luis Toro, e coñecer a situación da empresa logo do cambio de propietario.
O director das plantas de Cervo e tamén da compañía Stolt Sea Farm explicoulle a Villares que os obxectivos da empresa para a piscifactoría cervense son de continuidade e crecemento, aínda que non esqueceu que a difícil situación económica actual esixirá un grande volume de traballo. “Luis Toro transmitiume unha mensaxe positiva e de boas perspectivas de negocio, asegurando que as instalacións, tanto as de cría de alevíns como as de produción, teñen moitas posibilidades” indica o mandatario cervense, “unhas palabras que resultan esperanzadoras xa que para o Concello é moi importante que as empresas asentadas no noso territorio sexan produtivas e obteñan beneficios”. Polo tanto, “agardamos que este cambio supoña un impulso para esta planta” engade o rexedor “e estou convencido de que así será despois de comprobar de primeira man a ilusión e as ganas coas que se está traballando”.
Os primeiros meses serán de adaptación ás novas instalacións e de modificación daquelas rutinas e aspectos técnicos e organizativos que precisen ser mellorados. Superado ese período, Acuidoro pretende ampliar mercados para garantir a saída do rodaballo producido e ao mesmo tempo, consolidar a produción de linguado, que ata o de agora só se facía de forma puntual.
“Dende o Concello tamén quixemos transmitir aos novos propietarios que contan co noso apoio co obxectivo de que Acuidoro siga sendo unha empresa de peso no noso municipio” engade Villares, que ademais lembra que “o acuícola é un sector con moito futuro, e en Cervo, no polígono de Cuíña en concreto, vimos apostando por potencialo poñendo ao dispor das empresas varios terreos axeitados para a explotación piscícola”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
