IGUALDADE NA PISTA, IGUALDADE NO MARCADOR ENTRE O BURELA B E O LEIS (2-2)
O Burela FS Pescados Rubén B aferrouse o sábado pasado a un valioso punto tras unha pugna moi igualada na visita do Leis Pontevedra (2-2), un partido moi intenso no que ambas as escuadras se afanaron máis en defensa ca en ataque e no que o cadro mariñán marcou sempre o ritmo do electrónico.
O adestrador laranxa, Iván Cao ‘Lucas’, valorou a capacidade de superación dos seus xogadores nunha cita con pouca mobilidade de cara á portería: “Na primeira parte dominaron o equilibrio no xogo e a escaseza de ocasións, aínda así fomos capaces de marchar ao descanso con vantaxe de 2-1” considerou o técnico.
A distancia imposta por Antón e Keko antes do descanso esvaeuse nos minutos iniciais da segunda parte, cando o Leis asumiu maior protagonismo e aproveitou un saque de banda para empatar. “Con 2-2 o partido volveu á igualdade e calquera dos dous equipos puido gañar, cun intercambio constante de golpes” puntualizou Lucas.
Ficha técnica
Burela FS Pescados Rubén B: Samuel, Bruno de Nois, Souka, Antón e Keko, no cinco inicial; tamén xogaron Carlos, Fabio, Xoia e Erik
Leis Pontevedra: Xorxe, Eloy, Raúl Jiménez, Álvaro e Sergio, no cinco inicial; tamén xogaron Miguel, Martín, Sergio e Unai
Goles: 1-0, minuto 10, Antón; 1-1, minuto 18, Martín; 2-1, minuto 19, Keko; 2-2, minuto 25, Eloy
Árbitros: Carlos Suárez e Diego Franco
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
