O grupo de teatro A Adala de Fazouro pechou o Outono de Teatro en Alfoz

O pasado sábado, día 17 de novembro, finalizou o Outono de Teatro en Alfoz co grupo “A Adala” de Fazouro, que escenificou a obra “Enredos”, de Paco Piñeiro. O salón de actos rozou unha entrada plena de público, que se divertiu moito con esta comedia.
O Outono de Teatro en Alfoz leva xa celebrándose uns cantos anos e reúne a importantes grupos de teatro da zona da Mariña Lucense e incluso de fóra de Galicia.
Na organización do evento colaboran a Delegación de Cultura do concello de Alfoz e o Grupo Teatral Raiolas, o cal, a parte de actuar todos os anos, é o que proporciona o resto das actuacións ó contactar cos outros grupos de teatro e conseguir a súa asistencia. Trátase dunha actividade cultural con moito éxito no concello, terra de grandes actores, e unha das máis populares de entre as que se organizan ó longo do ano no concello.