Os populares preguntaron no último Pleno sobre os motivos polos que non estaban desbrozadas as pistas e o alcalde falou das brigadas municipais que contrata cunha subvención da Xunta para rozar pistas forestais, non dos traballos que lle corresponden ao Concello -con medios propios ou alleos- nas estradas municipais de acceso ás casas
Muras, 10 de setembro de 2025. O Partido Popular de Muras lamenta que “a comezos de setembro, o goberno nacionalista aínda teña sen rozar algunhas pistas municipais que dan acceso ás vivendas”.
A portavoz, Eugenia Requeijo, explica que “as pistas municipais presentan un estado de total abandono porque aínda hai moitos sen desbrozar. Nalgúns casos foron os propios veciños os que tiveron que limpar para evitar que a maleza impedise a visibilidade ou que, incluso, chegara a rozar os seus coches”. É que “a maleza dificulta a visibilidade nas curvas e nos cruces”.
A popular explica que “os traballos de desbroce das pistas se está a facer sen ningún tipo de orde” de forma que “están rozadas algunhas nunhas parroquias e outras noutras”; polo que “quedan algunhas sen acondicionar”.
Os populares amosan a súa preocupación ante o inicio do curso escolar que supón tamén a presenza do transporte escolar nestas pistas que “deben estar en boas condicións para garantir a seguridade”.
EXPLICACIÓNS NO PLENO
Os populares formularan preguntas no último Pleno sobre a tardanza no desbroce “sen que o alcalde do BNG admitise que a limpeza das marxes das pistas do Concello é competencia do Concello”. De feito, o rexedor “dedicouse a falar da brigada municipal -por certo, contratada cunha subvención da Xunta- que entre as súas funcións en materia de prevención de incendios forestais está a limpeza de pistas forestais, non de acceso ás casas”.
“O que non fixo o alcalde foi explicar por que non ten realizado con persoal e medios propios ou alleos os traballos de roza para manter limpas de maleza as pistas municipais ao longo de todo o ano para garantir a visibilidade e seguridade aos veciños e veciñas de Muras”, segundo indica Eugenia Requeijo.
A popular pídelle ao alcalde “máis interese en traballar por Muras e os nosos veciños dende o diálogo e a colaboración e menos en atacar continuamente a outros e botar as culpas á Xunta”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
