Foz, 11 de setembro de 2025. O Concello de Foz presenta a súa programación cultural de outono, que inclúe representacións teatrais, proxeccións de cine e actuacións musicais.
“O outono é tempo de castañas, de novos comezos e de cambio de espectáculos de rúa ao interior. E en Foz comeza de novo a tempada de teatro en sala, de cine e a música tamén terá o seu oco”, explica a concelleira de Cultura, Inés López Couto.
“Teremos cousas para grandes e pequenos, con sorpresas”, continúa a edil: “a programación ten actividade todas as semanas dos meses de setembro, outubro, novembro e do mes de decembro só se ofrece un pequeno adianto. Ademais irán xurdindo actividades que se sumarán ás que xa se anuncian”.
Inés López Couto destaca que “como gran referente da actividade outonal está a obra de teatro Yo solo quiero irme a Francia, cun elenco de actrices moi coñecidas, entre elas Maria Galiana, a famosa doña Herminia, de Cuéntame. É unha obra que se estrea en Galicia no mes de outubro e chegará a Foz o 21 de novembro ás 20:30 horas na Sala Bahía. Grazas á colaboración intensa que ten o Concello de Foz con Agadic logramos ter a maior programación teatral (incluíndo espectáculos de maxia, danza, circo, etcétera) da Mariña neste segundo semestre do ano”.
Toda esta programación poderá ser consultada na web e redes sociais do Concello, así coma nun libriño en papel que se poderá atopar na Delegación de Cultura ou en calquera dos eventos que organizamos.
Para esta fin de semana, o venres ás 19.00 horas no Centro de Interpretación da Basílica de San Martiño poderase escoitar a charla O convento de San Martiño de Mondoñedo na Idade Media (s.XII-XVI), da man de Carlos Andrés González Paz. Ese mesmo día ás 20.00 horas na Casa da Cultura haberá a segunda obra de teatro do certame de Fegateatro, que organiza Pico do Castro: Vaia idiotas, de Damecuerdateatro, para a cal o prezo da entrada é de tres euros.
O sábado 13, na praza Conde de Fontao ás 20.00 horas representarase Globe Story, unha obra de mímica pertencente ao itinerario Constelacións, de Camiño Escena Norte. “Colaboramos con este evento, con financiamento municipal, e formamos parte desta rede de municipios e compañías de varias comunidades autónomas para compartir a cultura que nos une”, explica a concelleira.
Ademais esta fin de semana poderase facer deporte coa ruta Pico da Lebre, que organiza o Club Ciclista de Foz o sábado. Tamén o venres haberá festa fin de verán na parroquia de Nois, con cea e música no seu Centro Cívico; e o sábado, sardiñada popular na parroquia de Cordido.
“Continuamos traballando para traer a mellor cultura galega ao municipio, sen esquecernos da que se xera noutras zonas do estado. Ademais o traballo das asociacións de Foz acabará de poñer a guinda a unha programación moi completa para que calquera poda facer actividades diferentes no noso pobo”, finaliza o alcalde, Fran Cajoto.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
