O obxectivo é que o novo instrumento, que orientará as accións de conservación e desenvolvemento sostible deste territorio na próxima década, estea listo en 2026
Ribadeo, 9 de setembro de 2025. Galicia e Asturias impulsarán este ano os traballos técnicos de actualización do Plan de xestión da Reserva de Biosfera Río Eo, Oscos e Terras de Burón para aglutinar as accións de conservación e desenvolvemento sostible do territorio a executar na próxima década.
Así o acordaron os membros da Comisión de Coordinación Institucional que se encarga de coordinar a xestión deste espazo, reunida esta mañá en Ribadeo e que estivo presidida pola directora xeral de Patrimonio Natural, Marisol Díaz.
Con este novo Plan daráselle continuidade ao instrumento planificador deseñado co mesmo fin no ano 2016 e en vigor desde 2017, polo que o obxectivo é telo listo e aprobado en 2026, cunha vixencia de 10 anos.
Neste sentido, Marisol Díaz salientou a importancia de actualizar o principal instrumento de xestión da Reserva de Biosfera Río Eo, Oscos e Terras de Burón para poder continuar co traballo realizado neste territorio a cabalo entre Galicia e Asturias nos últimos anos, cun total de 1,34 millóns de euros mobilizados tanto con actuacións directas executadas na parte galega deste espazo como a través das sucesivas convocatorias de axudas para proxectos en Rede Natura 2000 e en Reservas de Biosfera.
A modo de exemplo, entre as medidas acometidas máis recentemente, a directora xeral referiuse ao Proxecto de recuperación do río Eo, cun orzamento de case 500.000 euros financiado con fondos europeos do programa NextGenerationUE e iniciado a mediados do ano 2022 co obxectivo de intervir nun tramo de preto de 26 km para mellorar o estado de conservación dunhas 84 hectáreas deste corredor ecolóxico, que separa de forma natural Galicia e Asturias.
Cómpre lembrar que a Reserva de Biosfera Río Eo, Oscos e Terras do Burón, declarada o 19 de xuño de 2007, é unha das dúas de xestión compartida que ten a comunidade, e conta con numerosos espazos incluídos en Rede Natura 2000 —tres Zonas de Especial Conservación para as Aves (ZEPA) e nove Zonas de Especial Conservación (ZEC)— ademais dun humidal de importancia internacional e dous monumentos naturais.
Dentro do seu territorio é posible identificar un total de 41 tipos de hábitats de interese comunitario, dos que 11 son considerados prioritarios, centrados fundamentalmente nos ecosistemas dunares, as matogueiras costeiras, zonas húmidas continentais e bosques ligados a medios húmidos.
Cun total de 159.379 ha, incluíndo unha pequena superficie de augas mariñas adxacente ao estuario do Eo, a área que conforma a reserva se vertebra a través da cunca fluvial do río, abarcando dende o seu nacemento en Fonteo (municipio de Baleira, Lugo), ata a súa desembocadura no Cantábrico e abrangue 14 municipios (7 lucenses e 7 asturianos).
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
