O PP de Burela di que apoia a política económica do goberno municipal

O PP burelés apoia a política económica do Goberno Municipal.

“Os socialistas din unha cousa e os seus comportamentos din o contrario”, afirman os populares.
Os populares acusan ó PSOE de “hipotecar de novo Burela; xa o fixeron en Cervo”.

Burela, a 10 de novembro de 2012.- O Partido Popular de Burela, ante a última nota de prensa feita pública polo PSOE, quere deixar claro que “os socialistas, e menos os de Burela, non poden dar leccións de nada, acostumados como están a considerar o de todos como patrimonio particular, e a ser tan cínicos e hipócritas que din unha cousa e o seu comportamento persoal e público di o contrario”.

O PP de Burela “apoia as medidas adoptadas polo goberno municipal, porque actualizar as taxas e os prezos públicos é un exercicio de responsabilidade que aplican os propios alcaldes socialistas onde gobernan, como é o caso de Viveiro, se non se quere perder servicios e mesmo tamén postos de traballo nos concellos”.

“De feito, o bipartito burelés actualizou as taxas durante o seu mandato, en 2009 nada menos que un 4’5%, chegando a subir os vados nun 50%, a ocupación de espacio público con materiais de obra con outro 50%, ou as terrazas na mesma porcentaxe”, indican os populares bureleses. Para os populares, esto “evidencia que non son creibles”.

Para o PP de Burela, “o PSOE é o partido dos pufos: cando Burela se segregou, tivo que facer fronte á débeda herdada dos socialistas de Cervo, que ainda estamos pagando; e cando o PP chega hai ano e medio ó goberno municipal tén que pedir un crédito de un millón cen mil euros para pagar as facturas que deixaron nos caixóns, para pagar os pufos que deixaron, polo que o PSOE volve a hipotecar a este concello durante outros dez anos máis porque haberá que pagar douscentos dez mil euros por ano, anque deberían pagalos eles soliños por seren quenes nos meteron nesta situación”.

Pero é que ademais, segundo o PP burelés, “se queren dar exemplo, poden empezar por eles mesmos, renunciando ás prevendas sindicais, ou rebaixando o número de dedicacións exclusivas que hai na Deputación. E non fan nin unha cousa nin a outra. Por exemplo, na Deputación de Lugo, oito de once deputados provinciais socialistas cobra dedicación exclusiva a razón de 50.500’00€ anuais, e non renuncian a nada”.

Polo tanto, “dos cínicos, dos hipócritas e dos que deixan pufos pouco ou nada podemos aprender. Sólo poderíamos aprender a usar o de todos para beneficio propio. Outros estamos aplicando os principios de non gastar máis do que se tén e a pagar o que outros deixaron a deber”.

Por último, afirman desde o PP burelés, “canto máis tempo siga así o PSOE, mellor para o PP, porque cada vez serán máis evidentes as súas contradiccións entre o que fan e o que din e cada vez será máis evidente a súa falla absoluta de alternativa. Quen non é capaz de facer autocrítica e recoñecer o que fixo mal, perxudicando ós cidadáns, logo atópase cos resultados electorais cos que se atopa. Alá eles”.