O programa Km0 difunde esta semana a riqueza natural, cultural e empresarial da Ribeira Sacra e da Mariña
– Máis de 160 veciños de Bóveda, Lugo, O Corgo e Outeiro de Rei participan esta semana nos catro roteiros organizados pola Deputación
– Pilar García Porto recibiu este martes a 48 integrantes da asociación de veciños “Ribas Pequenas” de Bóveda, que viaxaron ata a Mariña para coñecer o espectacular paisaxe que ofrece a costa lucense
A Ribeira Sacra e A Mariña son esta semana os destinos do programa medioambiental Km0, que difunde a riqueza da provincia, baseada nos seus recursos naturais, culturais e empresariais. Entre hoxe e o vindeiro sábado son máis de 160 veciños da provincia os que participarán nas rutas programadas e que os levarán a estas dúas comarcas lucenses.
48 membros da Asociación de Veciños “Ribas Pequenas” de Bóveda foron os encargados de inaugurar as visitas da semana. Tras seren recibidos no Pazo de San Marcos fixeron unha parada nunha olería de Bonxe, na que coñeceron as técnicas propias deste tradicional oficio, tras a que continuaron a marcha ata o Concello do Vicedo, para coñecer a riqueza que agocha a Illa Coelleira, así como a actividade do porto da localidade.
O mércores será a quenda de 24 membros da asociación lucense de Amigos de Frigsa, que farán a ruta combinada en barco e tren que percorre diferentes recunchos do Concello de Sober, ruta que é unha das novidades desta quinta tempada de Km0. Partirán pola mañá e ó longo da xornada farán paradas estratéxicas, tanto para repoñer forzas nalgunha das típicas adegas da zona ou facer rutas a pé coas que descubrirán as xoias arquitectónicas do románico que hai na zona. O xoves serán 48 veciños da Asociación “Laxe Blanca” do Corgo os que se trasladarán de novo a Sober para facer neste caso unha ruta en catamarán pola zona de Amandi, tras iniciar a xornada cunha visita o monfortino Pazo de Tor.
Xa o sábado, 48 integrantes da Asociación “Amigos” de Outeiro de Rei farán novamente esta ruta, se ben a xornada que teñen programada dará comezo cunha visita a un obradoiros dos tradicional cacharreiros de Gundivós.
Como anotarse
Os interesados en participar en Km0 poden inscribirse chamando ó 982-26-00-74/75; ou entrando en www.deputacionlugo.org onde, dende a portada, deberán acceder ó espazo Km0, completar o formulario e envialo á km0@deputacionlugo.org. A continuación, poderán efectuar o pago, que será de 8 euros para grupos de menos de 24 persoas e individuais, e de 5 euros para grupos de máis de 24 persoas, quedando excluídos todos os colexios e institutos públicos. A institución facilita dúas modalidades de pago: persoalmente no servizo de Tesourería (Pazo de San Marcos) ou nas sucursais de NovaGalicia (co número de conta 20800152663110001425).
A reserva e pago das rutas tamén pode facerse a través da plataforma de comercio electrónico www.losproductosdelugo.com da Deputación. Optando por esta alternativa, os participantes teñen un desconto do 10% no custe das actividades.
O presidente, José Luis Sáez, agradeceu o apoio da empresa, clave para reforzar os equipos nesta segunda volta e garantir a continuidade da entidade, que segue loitando pola permanencia en Primeira División Iberdrola e Segunda División.
Será na Igrexa de Santa María ás 20:30 h. Debido ao aforo limitado e ao cumprimento da normativa vixente, editaranse entradas que se repartirán no acceso da igrexa o propio día do concerto, onde tamén se realizará o control de acceso.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
As deputadas do PP lucense no Parlamento galego, Raquel Arias e Nicole Grueira, e a alcaldesa de Cervo, Dolores García, mantiveron na localidade un encontro con mulleres vinculadas ao sector do mar co obxectivo de visibilizar e poñer en valor o seu papel fundamental na economía mariñeira e na vida das vilas costeiras. A reunión serviu como espazo de diálogo e recoñecemento ao traballo que durante anos desenvolveron mariscadoras, redeiras e outras profesionais do sector. As populares manifestaron a súa defensa da igualdade e aseguraron que “sen as mulleres o sector do mar non se atende”.
Será na Explanada do Círculo Habanero, en carpa climatizada. Programa: 13:30: Sesión vermú con Dúo Puma. 14:30: Xantar (fabada, costela con patacas, sobremesa, café e bebida). Prezos: Socios 20 €. Non socios 30 €. Nenos 6–12: 15 €. Menores de 6 anos: gratis. Entradas: domingos 15 e 22 de marzo, de 11:30 a 13:30 no Local Social. Contacto: 682 06 57 07
A feira instalarase na Praza da Constitución e contará con showcookings, catas, música en directo e actividades para todos os públicos. O sábado haberá demostración culinaria con Marcos Pereiro, sesión vermú, talleres infantís e concertos de 9Louro e Mondra. O domingo incluirá showcooking de Miguel Mosteiro, novas catas e a tradicional sesión de baile no Centro Cultural.
Ás 12:00 h, no Parque Ramón de Campoamor, terá lugar o acto institucional de homenaxe. Pola tarde, no Casino de Navia, haberá actividades abertas ao público: 18:00 h – Recital “Poesía que nos une escondida entre renglones”. 19:00 h – Encontro coa escritora Matilde Suárez, Premio “Ría del Eo”. A alcaldesa, Ana Fernández, destacou o compromiso de Navia por recuperar e poñer en valor o legado do poeta e consolidar o concello como referente cultural.
