A executiva do PSdeG en Foz reafirma a decisión unánime de darlle aos veciños “unha alternativa de goberno”
“Podemos quedar de brazos cruzados vendo como o PP paraliza o concello ou intentar gobernar Foz para os veciños; nós temos clara a nosa posición, que é responsable e transparente, por iso o dicimos abertamente, e ademais é a que cremos que debería ter calquer socialista”, afirma José Ramón Val
“Estamos dispostos a escoitar tamén as razóns dos compañeiros do grupo municipal, como as de todos os militantes, por suposto”, asegura Val, que engade: “Prefiro asumir a responsabilidade de non chegar a un acordo que asumir a falta de responsabilidade de non telo intentado polo ben dos nosos veciños e dun concello que vai costa abaixo”
A Executiva Local do PSdeG-PSOE de Foz reuniuse esta noite para analizar a situación de goberno do concello e reafirmou por unanimidade a intención de iniciar contactos coas outras forzas políticas para darlle “unha alternativa aos veciños ante o actual desgoberno do PP”, que “ten totalmente paralizado un municipio que debería ser dos de maior vitalidade” da zona. Asimemso, os membros da Executiva respaldan “ao cen por cen” as declaracións do seu secretario xeral, José Ramón Val, que decidiu poñer sobre a mesa a posibilidade de formar unha alternativa de goberno e fíxoo “dun xeito transparente e de cara aos veciños, que son os que despois nos van pedir responsabilidades se non somos quen de darlles unha resposta nun momento moi complicado”. Deste xeito, a Executiva confirma a decisión xa tomada e consensuada con Val na reunión da pasada semana.
“Podemos quedar de brazos cruzados vendo como o PP paraliza o concello ou intentar gobernar Foz para darlle unha alternativa aos veciños; nós temos clara a nosa posición, que é responsable e transparente, e ademais é a que cremos que debería ter calquer socialista”, destaca o secretario xeral do PSdeG en Foz, José Ramón Val, que se referiu ademais á posición dalgúns compañeiros do grupo municipal. “O PSdeG en Foz é unha agrupación forte cun número importante de afiliados e con vocación de goberno, pero por suposto estamos dispostos a falar e escoitar tamén as razóns deses compañeiros, como de todos os militantes”, asegura Val, que engade: “Prefiro asumir a responsabilidade de non chegar a un acordo que asumir a falta de responsabilidade de non telo intentado polo ben dun concello que vai costa abaixo”. O socialista lembra tamén que fixo pública a intención de manter contactos con outros grupos unha vez anunciado que deixa a acta de concelleiro, “para que ninguén poida dicir que isto é un desexo persoal de poder e quede claro que este é o único xeito de que o PSdeG se responsabilice de verdade diante dos veciños que esperan unha resposta á súa situación”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
