UN DUELO DE TRES PUNTOS E MOITO MÁIS (BURELA FS-GÁLDAR, 18.30 HORAS)
Para o Burela FS Pescados Rubén poden comezar a cambiar as cousas, chega o momento de recoller as primeiras alegrías da elite, cunha apetecible 8ª xornada. Vista Alegre acollerá mañá un duelo de noveis (18.30 horas), que para os laranxas significa tres puntos e moito máis, a posibilidade de asinar o primeiro éxito en Primeira, un impulso de moral, o recoñecemento ao esforzo e traballo, a recompensa ao apoio da bancada… Unha cita que pode manter viva a ilusión para afastarse do perigo.
“Xogámonos moitos deportiva e animicamente” asegurou o técnico Julio Delgado, que destacou que “será un partido moi disputado porque ambos os dous nos coñecemos ben e chegamos con necesidade de puntos”. Julio amosouse optimista coas posibilidades do Burela FS, polo evolución de xogo, e pola accesibilidade do rival: “O calendario non nos tratou ben ata agora; queremos gañar e demostrarlle á afección que aínda que nos custou adaptarnos á categoría merecemos estar aquí”. “Debemos asumir o protagonismo do encontro, mantendo a dinámica do último partido na casa, co Inter; temos que conservar a concentración defensiva, sobre todo, e aproveitar a finalización”, rematou o técnico.
O vestiario mariñán afrontará o gran reto coa volta á convocatoria dun dos capitáns, Edu, que se reincorporou ao día a día do equipo a comezos da semana, tras unha intervención de menisco realizada en outubro.
Os insulares chegan á península hoxe. Suso Méndez non poderá contar nin con Glauber, na recta final de recuperación dunha lesión de ligamentos, nin co ex-laranxa Víctor Cachón, cun partido de sanción tras a expulsión ante o Zaragoza.
Outro raio de sol na enfermería
Coa boa nova do gardameta naronés tamén chega a notable evolución do outro capitán da nave laranxa, Juanma Marrube. O Mariskal, que pasou por quirófano hai case dous meses por unha hernia discal, xa comezou os adestramentos. Xa participou en varias sesións co equipo feminino e co filial e a próxima semana poderá incorporarse ao grupo.
Unha achega solidaria
A peña burelista A Pataca Naranxa volve apoiar este ano a campaña “Un xoguete, unha ilusión”, xunto á Cruz Vermella, para axudar a que os máis pequenos/as poidan gozar da maxia do Nadal.
Ata finais de decembro, todas as persoas interesadas poderán depositar os seus agasallos no pavillón Vista Alegre, de luns a venres pola tarde, coincidindo coa apertura das instalacións deportivas para os diferentes adestramentos, e nos partidos do equipo sénior masculino na casa, mañá con Gáldar e o día 22 co Santiago Futsal.
A Pataca Naranxa tamén manterá o servizo de recollida a domicilio, co que comezou hai tres anos. Poderase concertar a través do número de teléfono da peña, 607 74 87 86.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
