O BNG CHAMA AOS MARIÑÁNS A CONCENTRARSE ESTE LUNS EN BURELA EN CONTRA DA VENDA DE NCG
Veiga pide a Feijóo que asuma a súa responsabilidade na desaparición do sistema financeiro do País e recoñeza que mentiu aos galegos cando prometeu unha caixa galega e solvente
A Mariña, 1 de decembro de 2012. O BNG da Mariña convoca a todos os mariñáns, especialmente aos afectados pola estafa das participacións preferentes e por un proceso de desafiuzamento, a que participen na concentración prevista para o luns, 4 de decembro, ás 12:00 horas, diante da sucursal de NovaGaliza (NCG) Banco, en Burela, na rúa Arcadio Pardiñas, para amosar o rexeitamento cara á venda desta entidade bancaria.
Antonio Veiga, responsábel comarcal da formación nacionalista, insiste “na importancia de escenificar o malestar do pobo ante o desmantelamento do sistema financeiro galego e das graves consecuencias que iso suporá, principalmente, milleiros de despedimentos en todo o País e o incremento das dificultades das PEMES galegas para acceder ao crédito”.
“O Goberno do Estado -continúa Veiga- está obsesionado con salvar á banca esquecendo que a súa prioridade debe ser satisfacer as necesidades dos cidadáns, máis nun momento como o actual, de extrema gravidade. Rajoy salva á banca co diñeiro do pobo pero non é capaz de garantir que os afectados polas participacións preferentes cobren integramente os seus aforros. Rajoy rescata á banca co diñeiro do pobo pero non é capaz de cambiar a lei hipotecaria para evitar o drama dos desafiuzamentos.”
Dende o BNG da Mariña pídese ao veciños e veciñas da comarca que “digan NON ao espolio do aforro galego e que reclamen que os buracos da banca os paguen os banqueiros e non os cidadáns como pretenden o presidente do Goberno do Estado e o presidente da Xunta, quen debe dar explicacións sobre o que está a suceder cos aforros dos galegos e das galegas e recoñecer que durante a campaña electoral mentiu a todo o País prometendo unha caixa galega e solvente”-concluíu Antonio Veiga.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
