LUCÍA: ‘O CIDADE RECIBIRANOS CON AGRESIVIDADE, SERÁ UN ENCONTRO MOI FÍSICO’
O Burela FS Pescados Rubén continuará mañá a aventura da XXII Copa Galicia nas semifinais, coa visita ao pavillón dos Remedios para baterse ao Cidade das Burgas (12.00 horas); as ourensás foron o último rival da liga, en Vista Alegre, ao que as laranxas se impuxeron 5-2. A ala-peche Lucía Nespereira agarda un enfrontamento moi similar, aínda que máis intenso: “Será un encontro moi físico; o Cidade é un equipo que pelexa moito e recibiranos con máis agresividade da que vimos en Burela, ao ser na súa pista”.
“A motivación será máxima para as dúas escuadras; nós chegamos con ilusión, para intentar facernos coa terceira Copa no palmarés e As Burgas quererá manter o seu historial chegando, coma o ano pasado, á final”, analizou a xogadora nada en Ourense.
A cita autonómica chega no descanso competitivo, con plena concentración para o cadro de Javier Pardeiro “en recuperar efectivos, dar descanso para as xogadoras que o precisan e preparar o que queda da primeira volta”, explicou a co-capitá laranxa. O III Campionato Mundial de Fútbol Sala Feminino de Portugal (3-9 de decembro) arrebátalles ás mariñás dúas importantes bazas para o compromiso copeiro, unha mingua da que, segundo Lucía, intentará beneficiarse o rival: “Non somos un cadro moi amplo, co hándicap engadido das ausencias de Peque e Jozi, a lesión de Haydee e o exceso de minutos de todo o vestiario. A liga estásenos facendo dura e o Cidade intentará aproveitar as circunstancias” vaticinou a burelista.
A outra semifinal entre o Leis Pontevedra, de Segunda, e o Ponte Ourense, de Primeira, decidirase simultaneamente á das laranxas.
Haydee
A ala-peche Haydee comezou cos exercicios de rehabilitación esta semana. Segundo informou o seu traumatólogo, José Antonio López Rodríguez, a xogadora viguesa, que pasou polo quirófano en outubro por unha tendinite rotuliana crónica no xeonllo dereito, poderá incorporarse aos adestramentos do equipo despois do Nadal, se non xorden contratempos.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
