OS PRESUPOSTOS DE LOURENZÁ PARA 2013, QUE ASCENDEN A 1.700.000 EUROS, SOMETERÁNSE A APROBACIÓN O VINDEIRO VENRES, 28 DE DECEMBRO. EMMA ÁLVAREZ SINALA QUE SON REALISTAS, RIGOROSOS E AUSTEROS.
Lourenzá, 26 de decembro de 2012. O vindeiro venres, 28 de decembro, ás 12 da mañá nun pleno extraordinario someteránse a aprobación os presupostos municipais para 2013 que ascenden a 1.700.000 euros, un 3’76% máis que os deste ano. En palabras da alcaldesa, Emma Álvarez, trátase duns orzamentos realistas, responsables, rigorosos e austeros, que tentarán atender as necesidades básicas dos veciños e das veciñas de Lourenzá.
A rexedora dixo que “os presupostos teñen en conta a minoración na recadación dos tributos locais e do resto de ingresos ordinarios. Os nosos recursos irán destinados a cubrir os gastos para atender as necesidades básicas dos veciños e das veciñas de Lourenzá”. O incremento do 3’76% débese “a unha subvención que xa temos concedida para rehabilitar o pazo de Tovar e convertelo nun centro de interpretación dos pazos galegos”.
Emma Álvarez indicou que “estes presupostos enmárcanse tamén dentro do plan de axuste 2012-2022, onde fomentamos a reducción de gastos para este período co fin de situar ao Concello de Lourenzá nas condicións financieiras e presupostarias para sumarse á recuperación económica. Facemos unha reducción adicional do gasto e unha estimación máis realista dos ingresos”.
A alcaldesa laurentina sinalou que “os orzamentos de 2013 baséanse no realismo e na responsabilidade. Realismo porque se parte da situación de crise e dun escenario prudente de ingresos e responsabilidade porque se axusta ao plan de axuste 2012-2022. Rigor e austeridade marcan estes presupostos. Tamén temos a obriga de someter á elaboración e aprobación dos presupostos as esixencias de equilibrio estructural, limitación de débeda pública e regla de gasto. Con estes datos consideramos que chegamos a unha estabilidade presupostaria positiva para o 2013”.
O capítulo de gastos de persoal baixa un 4’45%. “Suben un pouco os gastos financieiros e fano nun 17’31% debido ao plan de pago a proveedores ao que nos acollemos o ano pasado. E increméntase nun 59’68% o capítulo de inversións. Aquí incluimos ademáis de rehabilitación do pazo de Tovar unhas partidas para o mantemento de pistas e estradas e bens de uso público ás que destinamos uns 76.000 euros”, seguiu a relatar Álvarez Chao. A Servizos Sociais destínanse 195.000 euros “e con isto incrementamos un 3% os gastos reais do ano 2012”. Para Educación, Cultura, Deportes e Sanidade presupostáronse 498.000 euros “e no programa de actuacións de carácter económico podemos destacar os 10.000 euros que se invisten na festa da faba, unha cantidade que se viu mermada nos dous últimos anos ou tamén a aportación ao domingo de piñata, que foron 2.000 euros o ano pasado, e neste 2013 temos previsto a mesma cifra”.
A alcaldesa, Emma Álvarez, subliñou que “o noso obxectivo é traballar en proxectos produtivos, que xeneren ingresos económicos e postos de traballo. Para isto o que tentaremos será fomentar dúas ideas importantes: a cooperativa de comercialización de faba e a xestión conxunta dos montes”. A rexedora considera que “os recursos son escasos, pero temos que traballar para deixar ao noso concello nunha situación de estabilidade orzamentaria e creando postos de traballo”.
Os presupostos de 2013 analizáronse na comisión de contas do pasado venres, 21 de decembro. En dita comisión o BNG xa anunciou a súa abstención e o PSOE non acudiu a dita convocatoria.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
