CONTINÚA CON ÉXITO O IMAXIÑA 2012
>>> O centro ribadense Gamallo Fierros pechará o 17 de decembro os obradoiros de fotografía, stop motion e vídeo, promovidos por Imdecum
Luns 3 de decembro. O Festival Audiovisual da Mariña Imaxiña 2012 continuará con éxito esta tarde dando o salto a Ribadeo, ao IES Dionisio Gamallo Fierros; o alumnado de 4º da ESO descubrirá as marabillas do mundo da imaxe na compaña do fotógrafo focego Xulio Villarino e da productora A Caixa Escura.
O presidente da Fundación Imdecum, Marcelino Luna, congratulouse da “excelente acollida da segunda edición de Imaxiña entre a xuventude da comarca”. “É unha experiencia moi gratificante para a nosa entidade. A inmellorable resposta que atopamos en todos os centros anímanos a darlle continuidade á iniciativa; o vindeiro ano poderemos levalo a máis institutos da bisbarra”, dixo Luna.
O certame, que conta co apoio da Área de Cultura e Turismo da Deputación de Lugo, xa percorreu outros tres centros da bisbarra, dende comezos de novembro, co firme propósito de poñer en marcha un contorno de motivación artística e creación audiovisual: o Monte Castelo, de Burela, o Marqués de Sargadelos, de San Cibrao, e o Vilar Ponte, de Viveiro. O instituto ribadense pechará esta primeira fase do festival, de obradorios de fotografía, stop motion e vídeo, o 17 de decembro.
Dende A Caixa Escura, Andrea González destacou “a implicación e as ganas coas que os rapaces acolleron os obradoiros, ademais de que tamén conectaron moi ben con Xulio Villarino”. “En todos os centros se viu que hai unha boa canteira de futuros creadores e artistas; os rapaces puideron escoller o taller e facer traballos propios nos que estiveron moi involucrados, aprenderon e se divertiron” explicou a representante da produtora que coordina a actividade.
Concurso. O estudantado dos catro institutos poderá dar renda solta á súa creatividade e imaxinación a través do concurso final, nas categorías de fotografía e vídeo, ata o 21 de decembro, cunha cámara fotográfica como recompensa para os gañadores/as. Marcelino Luna animou “a todo o alumnado a participar neste atractivo concurso, así como no acto de entrega de premios, o día 28, xornada na que tamén se exporán unha compilación dos traballos presentados”. “Xa hai proxectos rematados que prometen moito” coincidiron en puntualizar o presidente de Imdecum e Andrea González.
A través da páxina de Facebook da Fundación Imdecum pode seguirse a actualidade do Imaxiña 2012
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
