O NADAL MÁXICO E DIVERTIDO DE BURELA INCLÚE MÚSICA, MAXIA E CINE INFANTIL. A PROGRAMACIÓN DESTAS FESTAS DARÁ COMEZO O 19 DE DECEMBRO CO FESTIVAL DE NADAL DA ESCOLA MUNICIPAL DE MÚSICA.
Burela, 12 de decembro de 2012. Nadal máxico e divertido, así se denomina a programación que elaborou para estas datas a Concellería de Cultura. Entre as actividades destacan a música, a maxia e tamén a cabalgata de Reis. No acto de presentación, celebrado no Concello, estiveron o alcalde, José Mª González Barcia, e a concelleira de Cultura, Mónica Pedre.
A edil popular sinalou que “as actividades están pensadas básicamente para os nenos e as nenas, que son os que estarán de vacacións dentro duns días, e queremos ofrecerlles alternativas de ocio para estas festas. Haberá cine e maxia e tamén teremos para todos os públicos o festival de Nadal da Escola Municipal de Música, o concerto de panxoliñas da Coral Polifónica de Burela e tradicional cabalgata de reis”.
Pedre dixo que “xa está en marcha o certame de poesía infantil e o concurso de postais Nadal 2012. As bases para os que queiran participar están na Biblioteca Pública Municipal. Desde aquí animamos a todos os nenos e nenas de Burela a que se animen a facer unha poesía ou unha postal”.
O 19 de decembro será o festival de Nadal da Escola Municipal de Música. O día 22 haberá concerto de panxoliñas e música coral a cargo da Coral Polifónica de Burela. O 26 e o 28 de decembro haberá cine infantil de nadal coas proxeccións de El planeta del tesoro; Las aventuras de Tintín e El secreto del Unicornio. A programación de Nadal segue o 27 de decembro con maxia en clave de sol con Chrystian Magic e música en directo do grupo de Álvaro Muras.
Xa en xaneiro, os días 2 e 4 voltará o cine infantil de Nadal coas proxeccións de Como perros y gatos: la revancha de Kitty Galore e Hermano oso. O 3 de xaneiro haberá o mundo máxico de Pi & Senín (Os magos de Burela) e o 5 de xaneiro terá lugar a cabalgata de reis.
Mónica Pedre agradeceu “a colaboración da Sociedade Cultural e Recreativa Ledicia, da Asociación de Comerciantes de Burela e da Vicepresidencia Primeira da Deputación de Lugo para poder confeccionar este programa que hoxe damos a coñecer. Desexamos que sexa do gusto de adultos e nenos. E felices festas a todos”.
Este xoves recibíuse unha comunicación da Casa Real, felicitando pola consecución da Copa da Raíña 2025.
A mostra 'Universo Vizoso' permanecerá aberta ao público ata o 8 de xuño no Centro Sociocomunitario.
Unha cita á que a institución provincial achega 10.000€ para a súa organización e que reuniu a centos de persoas na Praza do Concello trabadense para degustar este prato típico do municipio. Carlos López destacou a colaboración da institución provincial a esta “cita senlleira, que pon en valor unha cultura gastronómica capaz de atraer visitantes ao noso territorio”. Destacou o traballo que fai o Concello mariñán por enxalzar este produto, tamén chamado faragullos que se elabora con touciño, ovos, leite, fariña e auga.
O delegado territorial da Xunta en Lugo, Javier Arias felicitou este sábado a Reyco polos seus 30 anos de traxectoria no sector do transporte por estrada. Un exemplo de empresa lucense que medra con rigor, compromiso e aposta pola calidade "Desde a Xunta de Galicia seguimos apoiando ao sector con medidas para modernizar frotas, dixitalizar procesos e mellorar a formación dos profesionais". "O transporte é clave para o futuro económico de Galicia e empresas coma esta son parte dese avance", apuntou.
O conselleiro do Mar asistiu este sábado á charla sobre ‘Saúde, Deporte e Empresa’ que impartiu Juan Corbalán no centro sociocultural Avelino Díaz.
Categoría infantil: 1° Premio: Paula Martínez. 2°: Valentina Blanco. 3°: Empate entre Alejandra Castro e Saúl Tourón. Categoría primaria: 1° Premio: Lucy Fernández. 2°: Lily Fernández. 3°: Laia Rodríguez. Categoría adultos: 1° Premio: Tomás Mariño. 2°: Iria Baltar
Abordaron as necesidades deste municipio e avaliar posibles vías de colaboración desde a Xunta que contribúan á execución de proxectos conxuntos no marco do compromiso do Goberno galego coas entidades locais.
