Barreiro cre que “a planificación eléctrica do Goberno de Sánchez para o horizonte 2030 que hipoteca o desenvolvemento da provincia para a próxima década é un exemplo máis da súa discriminación a Lugo”
Lugo, 27 de marzo de 2026. O PP lucense reclama dende o Senado que “o Goberno de Sánchez teña en conta as alegacións da Xunta á planificación da rede de transporte de enerxía eléctrica para o horizonte 2030” é dicir “contemple o incremento do investimento en Galicia e unha distribución territorial xusta e equilibrada para dar resposta aos proxectos industriais presentes e futuros de Galicia e, en particular, que incorpore novas infraestruturas de transporte eléctrico na provincia de Lugo”.
Os senadores comparecen en rolda de prensa para dar a coñecer a iniciativa que defenderán na Cámara Alta ante o que consideran “un exemplo máis da discriminación á nosa provincia por parte do Goberno de Sánchez coa complicidade do PSOE e dos seus socios como son o BNG, os do non a todo”.
José Manuel Barreiro explicou que “fronte aos que aplauden que a nosa provincia se quede sen novas conexións eléctricas lastrando o desenvolvemento enerxético e industrial da próxima década, o Partido Popular esixe un trato xusto para Galicia e para Lugo que, actualmente, carece de subestación de transporte na zona central e oeste”.
Deste xeito, boa parte da provincia queda sen posibilidade de poder conectar á rede eléctrica calquera proxecto cun consumo relativamente elevado dunha mediana ou gran empresa. “As políticas do Goberno de Sánchez pretenden hipotecar o desenvolvemento da provincia e, polo tanto, as oportunidades para os mozos e mozas. Así incumpren tamén coa loita contra o reto demográfico”, apuntou, “cando a planificación enerxética debería promover tamén a cohesión territorial e demográfica”.
Barreiro condenou “outro castigo directo máis do Goberno de Sánchez a Galicia coa súa planificación enerxética. A pesar de ser a zona con maior volume de produción, a nosa comunidade recibiría só un 1,6% (215M€) do investimento de todo o Estado para novas actuacións -o investimento para redes de partida son actuacións derivadas ou herdadas de planificacións anteriores-”. É dicir, “Galicia produce máis, pero recibe menos investimento para novas infraestruturas eléctricas”.
O Goberno galego reclama para novas actuacións un mínimo dun 6,7%, equivalente ao investimento en redes para o período 2015-2020, despois de que o Goberno do Estado tirase á baixa na planificación actual 2020-2025 dirixindo menos do 1% a Galicia.
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
Unha obra para todos os públicos. Hora: 20.00. Entrada libre ata completar aforo, non é necesario facer reserva de entradas.
O encontro, aberto ao público, terá lugar na Casa Museo Álvaro Cunqueiro e será moderado por membros da propia asociación. A sesión busca reflexionar colectivamente sobre a posibilidade de que Mondoñedo aspire a ser recoñecida como Patrimonio da Humanidade, abordando a cuestión desde perspectivas históricas, patrimoniais, artísticas, naturais e humanísticas. A actividade comezará ás 11:00 h e a organización anima a toda a veciñanza a participar e compartir opinións.
O Comité de Empresa de Alúmina‑Aluminio San Cibrao informa de que a Secretaría de Industria convocou ao comité á 19ª reunión de seguimento do acordo de viabilidade, que se celebrará o venres 15 de maio ás 12:30 horas na Delegación do Goberno en A Coruña. Unha vez rematada a reunión, o comité procederá a informar aos traballadores sobre os resultados e avances do encontro.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
