Os populares solicitaron o arranxo dos marcadores de 24 segundos do pavillón Torques de Marzán, máis atención para a pista do Campo da Cabana e que se contrate canto antes a remodelación do céspede artificial do campo de fútbol de Malates
Foz, 27 de marzo de 2026. O Partido Popular de Foz defendeu no pleno celebrado onte tres rogos centrados na mellora das instalacións deportivas municipais, co obxectivo de corrixir deficiencias e garantir unhas condicións axeitadas para os usuarios.
O concelleiro popular, Iago Rivas Eiroa, explicou que estas iniciativas buscan “resolver canto antes problemas evidentes”, e engadiu que “é necesario actuar xa, porque estamos a falar de instalacións moi utilizadas pola veciñanza, especialmente pola mocidade”.
Ademais, foi crítico coa xestión do executivo de Cajoto ao sinalar que “o mantemento non está sendo unha prioridade para este goberno, e iso nótase no estado das instalacións”.
En primeiro lugar, o PP solicitou o arranxo dos marcadores de 24 segundos do pavillón Torques de Marzán, así como que o Concello solicite a subvención que convoca anualmente a Xunta de Galicia para dotar esta instalación dun novo marcador.
Ademais, os populares reclamaron máis atención para a pista do Campo da Cabana, onde existen barandillas rotas que supoñen un perigo para os usuarios, especialmente ante a proximidade dos días de vacacións. “Estamos ante un problema de seguridade evidente que debe ser solucionado de inmediato”, advertiu.
Por último, instaron ao goberno local a contratar canto antes a remodelación do céspede artificial do campo de fútbol de Malates, unha actuación que, segundo lembran, foi posible tras desbloquear o contrato do ciclo da auga. “É fundamental que esta obra se execute ao remate da tempada para que os equipos poidan comezar a seguinte campaña nun campo en condicións”, sinalou.
Desde o PP de Foz subliñan que a promoción do deporte é fundamental, especialmente para a mocidade. “Non chega con facer anuncios, hai que manter as instalacións e planificar investimentos periódicos que garantan a súa conservación”, concluíu o concelleiro popular.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
