O Concello de Foz organiza a X Festa do Berberecho para os días 18, 19 e 20 de xaneiro

X FESTA DO BERBERECHO DO CONCELLO DE FOZ

Un ano máis, o Concello de Foz a través da Concellería de Pesca e Consumo que dirige Pedro Fernández Manín, está a organizar a X Festa do Berberecho, que este ano traerá algunha novidade como resposta á situación económica actual. Serán os días 18, 19 e 20 de xaneiro.

Nese senso, o Concello non se fai cargo da organización da degustación nunha carpa do peirao , e este ano correrá a cargo da firma “Palacio de Cristal”.

A promoción da festa na hostalaría local correrá a cargo da ACIA de Foz e de todos os locais que queiran participar pola súa conta.

O Concello organizará o Pregón que correrá a cargo do “Bar o Chicaro” co seu representante Jorge Villarino Rodríguez o día 18 de xaneiro e á súa finalización haberá a actuación de “Escolma de Meus” de Viveiro, no salón de actos da Casa da Cultura a partir das 20:30 horas e recepción de autoridades.

O 19 será o día grande coa carpa no peirao aberta a partir das 12:00 horas con racións a 3 euros preparados polo “Palacio de Cristal” con : berberecho ao vapor, berberecho á mariñeira, empanada, paella.

Contaremos co I Concurso de Cantos de Taberna, unha novidade de animación pola hostalaría de Foz, a partir das 19:00 horas. As bases de participación poden encontrarse na Casa da Cultura e na web do concello: www.concellodefoz.es , así como os locais colaboradores.
Os premios entregaranse o domingo día 20 en horario de 13:00 a 14:00 horas, nos locais que se anunciarán previamente.

Acompañaran os días as animacións de rúa dos grupos folclóricos A Subela e O Feitizo así como a Rondalla Latexos.

Especialmente temos que dar as grazas a Deputación Provincial de Lugo pola súa colaboración exemplar como anos pasados, así como a Confraría de Pescadores, Acia de Foz e aos grupos de folclóricos e de música que colaboran desinteresadamente neste fin de semana de festa na Vila de Foz.

IMPORTANTE NOMEAR PARTICIPANTES NO I CONCURSO DE CANTOS DE TABERNA

A MASEIRA
ACUARIO
ANDURIÑA
AS BRASAS
ASADOR LA QUINTA
COSTUMES DO MAR
DANDY
HAPPY DAYS
MIÑA NAI-LEYTÓN
O CHICARO
O LAR
O MAR
OICHE
PIZZERIA XOIÑA
PORTOCHICO
PORTOVELLO
SAN MIGUEL
TANGARTE MARIÑEIRO
XOYMA