O Presidente da Deputación de Lugo, José Ramón Gómez Besteiro, avanzou este sábado que o organismo lucense dará voz á cidadanía para elaborar uns orzamentos participativos, converténdose deste xeito na primeira institución provincial de Galicia e a terceira de toda España en implantar este mecanismo, “co que melloraremos a calidade democrática e transparencia da nosa xestión”. Gómez Besteiro fixo este anuncio durante a firma dun convenio de colaboración no Pazo de San Marcos coa Confederación Galega de Veciños (COGAVE) Rosalía de Castro, un acto no que estiveron presentes os 30 membros da xunta directiva deste colectivo, presidido polo lucense Jesús Vázquez.
“Estamos traballando xa para que este novo instrumento de participación cidadá se aplique nos próximos Orzamentos, os de 2014”, subliñou o Presidente. “Forxaremos unha relación de dobre dirección con tódolos lucenses: por un lado, coñecemos de primeira man as súas necesidades e facémolos partícipes da xestión provincial, dándolles voz á hora de definir os orzamentos: a folla de ruta dunha administración, na que establece as súas prioridades e obxectivos; e, por outro, explicámoslles para que serve esta institución, que proxectos desenvolvemos e a que destinamos os nosos fondos”, argumentou Besteiro.
Ademais de encontros de traballo, outro dos mecanismos que utilizará a Deputación para recibir as propostas da cidadanía serán os medios tecnolóxicos. “Un dos recursos que usaremos será a nosa páxina web, que, deste xeito, gaña cada vez máis importancia, é cada vez máis interactiva”, sinalou o Presidente.
A de Lugo, Deputación pioneira
A Deputación de Lugo é a primeira galega e a terceira de España –despois de Málaga e Barcelona- que pon en marcha os presupostos participativos. En España, esta experiencia está bastante estendida en Andalucía, Cataluña e País Vasco, pero na zona do noroeste do país apenas existen un par de experiencias. No conxunto de España hai medio centenar de municipios que teñen presupostos participativos, unha tendencia que comezou a implantarse a finais dos 90, tras xurdir en Brasil nos 80.
Un paso máis na transparencia
O Presidente recalcou que, con este instrumento de participación, o Goberno provincial dá un paso máis no obxectivo que se marcou ó entrar na Deputación: “abrir a todos os veciños da provincia esta institución, modernizala, e ser eficaces e transparentes”, un propósito que se notou en tres aspectos, segundo recalcou Besteiro:
– Fisicamente, coa retirada das vallas que había fronte ó Pazo de San San Marcos, a apertura ó público dos xardíns traseiros e a posta en marcha do programa Km0, grazas ó que unhas 40.000 persoas pasaron polo Pazo provincial.
– Nas prioridades políticas: “fomos sensibles ás demandas sociais, saldando débedas históricas da provincia, como a posta en marcha dos parques de bombeiros, o pago do canon hidroeléctrico, a transferencia dos hospitais ou a sede da UNED en Lugo”, explicou Besteiro.
– Na xestión: a Deputación de Lugo está aberta as 24 horas, os 365 días do ano, tras implantarse a Administración Electrónica; este Goberno provincial comezou a dar cumprida conta no Pleno da situación económica financeira da Deputación cada tres meses, e colga esta información na web; informa cada tres meses do prazo no que paga ós provedores; tódolos decretos van a Pleno; e a oposición está en tódalas mesas de contratación, entre outros exemplos.
Convenio con COGAVE
O Presidente da Deputación e o de COGAVE, Jesús Vázquez, asinaron un convenio de colaboración, en virtude do que o organismo provincial lle achega á confederación veciñal unha subvención de 12.000 euros co obxectivo de colaborar nos gastos de funcionamento e do seu programa de actividades durante este 2013.
COGAVE representa a unhas 400 asociacións veciñais de toda Galicia. Delas, 120 son da provincia de Lugo, que, á súa vez, aglutinan a unhas 15.000 persoas.
A confederación está a xogar un papel protagonista en reivindicacións sociais de gran calado: participacións preferentes; taxas xudiciais; abusos das eléctricas; dación en pago nos desafiuzamentos; suba de prezos das escolas infantís e dos servizos de comedor; a dotación de Hemodinámica, Radioterapia e Medicina Nuclear no hospital de Lugo…
En canto ás súas actividades, destaca o programa solidario Entre Veciños, pioneiro en Galicia, que persegue a inserción laboral, a integración dos estranxeiros e a atención a persoas sen recursos económicos. Tamén promoven a recollida selectiva; a eliminación dos vertedoiros incontrolados ou o reforzo da seguridade no rural.
A colaboración con COGAVE responde ó compromiso da Deputación de apoiar e reforzar o movemento asociativo da provincia, como un mecanismo imprescindible para o progreso social, para acadar unha sociedade máis xusta e integradora. Un dos principais instrumentos de colaboración da institución é o Plan de Comunidades Veciñais, dotado este ano con 2 millóns de euros.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
