Desde Galiza Nova da Mariña amosan sorpresa e indignación ao escoitar as parabenizacións que desde Nueva Generaciones fan ao goberno do Estado en relación coas medidas para atallar o paro xuvenil. A organización xuvenil do BNG cre que “é unha falla de respecto que desde as mocidades do Partido Popular falen de éxito das políticas contra o desemprego xuvenil cando a situación é de tal gravidade que dos 166.800 empregos destruídos nestes catro anos, 149.100 estaban ocupados por menores de 35 anos e destes, máis de 77.164 optaron por emigrar neste período en busca dunha alternativa laboral que non atoparon en Galiza producíndose un incremento do paro de case un 123% desde o estoupido da crise entre os menores de 25 anos”.
O responsábel comarcal de Galiza Nova na Mariña, Senín González, explica que “malia ser a xeración máis formada da historia de Galiza, a xente moza non atopa traballo, polo que se ve na obriga de emigrar. Tal é así que, en 2012, 25.472 mozos e mozas de entre 20 e 34 anos abandonaron Galiza, 2.122 ao mes, preto de 70 cada día. Non van de vacacións, nin en busca de aventura -dixo- senón que emigran por necesidade.” Así, desde Galiza Nova denuncian “a imaxe bucólica que o PP pretende difundir sobre a emigración, de que é unha oportunidade para aprender idiomas, coñecer xente, outras culturas, etc. agachando a verdadeira realidade: é unha xeración perdida para o noso País que non retornará”.
Pero ademais, desde Galiza Nova califican de hipocresía a imaxe que pretende dar o Presidente provincial de Nuevas Generaciones de Lugo a respecto da mocidade e amósanse moi crític@s coas atitudes das xuventudes do PP. “Xa sabemos como actuan as mocidades do PP e como se preocupan por baixar o nivel de desemprego xuvenil. Vémolo claramente na foto publicada recentemente coa composición da última agrupación local constituída na Mariña: Nuevas Generaciones de Barreiros. Unha foto na que todas as persoas que toman parte da agrupación xuvenil popular teñen ou tiveron relación laboral co Concello de Barreiros. Un concello, ademais, que non se caracteriza pola súa selección de persoal ao abeiro dos principios de igualdade, mérito e capacidade; senón por unha clarísima “contratación dixital”. Esta parece ser a política de emprego xuvenil do Partido Popular: postos de traballo a cambio de carnet do PP ou viceversa”, conclúe o responsábel comarcal da formación xuvenil nacionalista.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
