O Burela FS Pescados Rubén B segue en alza. Coa nova vitoria ante o ADFS Bueu (4-2) da fin de semana, a escuadra mariñá segue á espreita da segunda praza de Terceira, custodiada polo Pazos de Borbén, que tampouco defraudou, impoñéndose 1-7 ao Carballiño FS.
Os pupilos de Lucas asumiron o control dende o inicio, aínda que con algún desaxuste na circulación de balón, ante un rival forte. O dominio laranxa materializouse a partir do minuto 5, tras o gol de Bruno de Nois, en xogada individual. Catro minutos despois, Antón asinou o 2-0 e a dous para o descanso a finalización laranxa reapareceu nas zapatillas de Fabio, dende os dez metros (3-0).
No reinicio, o Bueu volveu saír con forza, creando máis perigo. Recortou distancias no 22 Adrián (3-1), pero de novo falou o Burela FS; quixo o balón para asediar a portería visitante, que se resistiu á pegada de Fabio ata o minuto 28 (4-1). O monólogo laranxa tan só se viu lixeiramente perturbado por un saque de esquina, que finalizou outra vez Adrián (4-2, 34). Con porteiro-xogador nos últimos cinco minutos, os mariñáns conseguiron manter sen cambios o electrónico.
Ficha técnica
Burela FS B: Brais, Bruno de Nois, Fabio, Carlos e Keko, no cinco inicial; tamén xogaron Antón, Souka e Hélder.
Bueu FS: Hugo, Lea, Pocho, Toño e Rafael, no cinco inicial; tamén xogaron Javi, Adrián e Daniel.
Goles: 1-0, minuto 5, Bruno de Nois; 2-0, minuto 9, Antón; 3-0, minuto 18, Fabio; 3-1, minuto 22, Adrián; 4-1, minuto 28, Fabio; 4-2, minuto 34, Adrián.
Árbitros: Borja Darriba e David Castro
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
