GONZÁLEZ BARCIA ESTUDA O TRASLADO DO CENTRO DE FORMACIÓN OCUPACIONAL. OCUPARÍA OS LOCAIS MUNICIPAIS DO PARQUE DE TÍJOLA. O ALCALDE AFIRMA QUE SE BUSCA AUMENTAR A CAPACIDADE OPERATIVA DO DEVANDITO CENTRO.
Burela, 1 de febreiro de 2013. O alcalde de Burela, José María González Barcia, xunto cos concelleiros de Obras, Manuel Fernández Valle, e de Emprego, José Casas Martínez, visitou hoxe os locais municipais ubicados no Parque de Tíjola, para estudar o posible traslado do indicado centro a estas dependencias.
González Barcia manifestou que “o equipo de goberno estase plantexando unha reestruturación dos servizos municipais. A Casa do Concello está xa saturada e non se pode albergar ningún servizo máis, pero o traslado de Capitanía á súa nova sede permítenos poder ocupar esas dependencias con todos os servizos que temos nos locais do Parque de Tíjola e aproximalos á Casa do Concello, e poder pensar seriamente en aumentar a capacidade operativa do Centro de Formación Ocupacional se o trasladamos de Suafonte a Tíjola”.
Nestes momentos, nas dependencias de Tíjola están ubicados os servizos municipais de Medio Ambiente, incluída a parte administrativa da Aula de Educación Ambiental GAIA; os servizos de fomento de emprego e orientación laboral; EXPOMAR e a antena da Cámara de Comercio.
Segundo o alcalde burelés, “nestes momentos, o Centro de Formación Ocupacional xa ten limitacións de espazo. E este servizo é fundamental para o Concello, máxime na situación na que vivimos que nos obriga a formar profesionalmente ás persoas desempregadas”.
González Barcia manifestou que “a adecuación dos locais sería relativamente doada e con pouco investimento, pero permitiríamos gañar en operatividade dado que temos máis superficie e comodidade”.
Pola súa parte, o concelleiro de Emprego, José Casas Martínez, confirmou que “xa temos realizado un estudio sobre a adecuación dos locais, que pasarían pola construción dun baño adaptado a discapacitados e a colocación de dous ou tres tabiques móbiles”.
Casas Martínez indicou que “de feito xa nos puxemos en contacto coa Delegación Territorial da Xunta en Lugo para trasladarlle as nosas intencións e ver as posibilidades de homologación que terían os novos locais. Non hai que esquecer que os locais actuais do Centro de Formación Ocupacional están homologados, pero os cambios normativos e as maiores esixencias xa nos dan problemas á hora de organizar e impartir algúns cursos”.
A decisión final adoptarase logo de valorar os pros e os contras, pero en todo caso será ao longo do vindeiro mes de febreiro.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
