O GOBERNO LAURENTINO RECÚA ANTE A PRESIÓN DA PLATAFORMA DE AFECTADOS POLAS PREFERENTES E SUBORDINADAS DA MARIÑA
Lourenzá, 15 de febreiro de 2013. O goberno laurentino encabezado pola alcaldesa Dna. Emma Álvarez Chao non tivo máis remedio que recuar no día de hoxe ante o descontento social mostrado pola “Plataforma de afectados polas participacións preferentes e subordinadas da Mariña”. A destacar que pese a que a xa mencionada plataforma de afectados rexistrara no concello un escrito con data 17 de xaneiro pedindo entre outras cousas o reembolso do 100% do seu capital aportado nestes produtos, o equipo de goberno fixo caso omiso e presentou a súa propia moción que implica quitas de grande importancia no capital inicialmente aportado, manifestando claramente a súa intención de acatar o dito pola Xunta de Galiza aínda que isto implique unha vez máis roubar aos cidadáns. Cidadáns, que contrataron estes produtos por medio de enganos como xa quedou suficientemente demostrado e pretendendo agora cubrir as débedas dos investidores cos activos dos aforradores.
Segundo a opinión do BNG laurentino supón un autentico esperpento que o PP tente xustificar este acto aducindo que non tiñan coñecemento dos feitos ou ninguén falou con eles directamente , cando estes son motivo de portadas de tódolos xornais e cando a moción presentada pola plataforma de afectados está a ser aprobada por “unanimidade” en case tódolos concellos da Mariña. Neste senso se expresou o voceiro nacionalista laurentino César Docampo: “Non é de recibo que o equipo de goberno ignore a petición presentada pola Plataforma de afectados polas preferentes e subordinadas da Mariña que foi presentada neste concello o 17 de xaneiro, non a leve a pleno e incluso presente unha contraria a ela para logo debido a presión social recúe, retire a súa propia moción, acepte a da plataforma e logo se absteña á hora de votar, isto é de chiste!!!”
O BNG de Lourenzá considera que o PP voltou a mostrar claramente neste concello que prioriza os intereses de partido sobre os intereses da cidadanía, desprezando sen ningún tipo de reparo a proposta presentada pola plataforma e só retrocedendo ante unha presión social que lles pode facer perder o seu status.
Por último dende o BNG de Lourenzá queren felicitar á Plataforma de afectados polas preferentes e subordinadas da Mariña, pola súa dedicación e perseveranza, pois quedou sobradamente demostrado que son os únicos artífices do resultado acadado no pleno celebrado no día de hoxe en Lourenzá.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
