O GRUPO PARLAMENTARIO POPULAR PIDE A EUROPA UN TRATO ESPECIAL PARA A FLOTA ARTESANAL E O MARISQUEO GALEGOS
Merecen o recoñecemento das institucións comunitarias, tanto desde o punto de vista dunha discriminación positiva dos aspectos normativos como tamén económicos, destinando fondos específicos para a súa protección e impulso
Santiago, 4 de febreiro de 2013.- O voceiro do Mar do Grupo Parlamentario Popular, José Manuel Balseiro, vén de rexistrar unha iniciativa parlamentaria coa que pretende que Europa recoñeza e outorgue un trato especial para a flota artesanal e o marisqueo galegos. O parlamentario pide á Xunta que encargue ao Consello Galego de Pesca, máximo órgano asesor da Consellería do Medio Rural e do Mar, un informe de apoio e posta en valor das características que diferencian estes modos de captura e o seu impacto socioeconómico para remitilo ás autoridades comunitarias.
Balseiro sinala que os modos, aparellos e embarcacións tradicionais da pesca de baixura e as características do marisqueo galego, a frescura e calidade dos nosos produtos e a dependencia social e económica dos municipios costeiros, merecen o recoñecemento das institucións comunitarias, tanto desde o punto de vista dunha discriminación positiva dos aspectos normativos como tamén económicos, destinando fondos específicos para a súa protección e impulso.
“Non debemos esquecer que nesta terra existen unha multitude de comunidades costeiras, nas que o mundo do mar constitúe o motor principal da súa economía, así como un sector acuícola, conserveiro e unha industria transformadora e comercializadora dos produtos do mar en constante crecemento”-dixo Balseiro.
Afondando nesta cuestión a flota artesanal galega e o marisqueo teñen un especial valor desde o punto de vista da súa capacidade para afianzar o modelo sustentable de explotación dos recursos marítimos, fixar poboación e xerar riqueza nas comunidades costeiras. No ámbito específico do marisqueo cómpre subliñar que en Galicia responde a un modelo de actividade eminentemente feminino, que contribúe a xerar emprego e oportunidades para as mulleres.
PARTICIPACIÓN DO SECTOR
Balseiro busca o apoio do Consello Galego de Pesca como entidade na que está representado o conxunto dos profesionais e axentes deste sector, ao entender que a súa opinión pode reforzar a estratexia seguida pola Xunta. “Eles teñen a capacidade e atribucións para contribuír –mediante a elaboración dos estudos pertinentes- ao proceso de debate sobre as reformas normativas -a nivel comunitario- que sexan especialmente acaídas para os intereses xerais de Galicia”.
Balseiro lembra finalmente que Galicia é a rexión europea na que a pesca, o marisqueo e a acuicultura adquiren maior importancia e, ao mesmo tempo, a máis dependente destas actividades produtivas. “Non debemos esquecer que nesta terra existen unha multitude de comunidades costeiras, nas que o mundo do mar constitúe o motor principal da súa economía, así como un sector acuícola, conserveiro e unha industria transformadora e comercializadora dos produtos do mar en constante crecemento, apostar por elas e facelo por un sector estratéxico para Galicia”.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
